హైదరాబాద్‌: ప్రముఖ నటుడు శర్వానంద్‌ వరుస సినిమాలతో జోరు మీదున్నారు. ఇప్పటికే ఆయన ‘రణరంగం’, ‘96’ రీమేక్‌ చిత్రాలతో బిజీగా ఉన్నారు. తాజాగా తన 29వ చిత్రానికి పచ్చజెండా ఊపేశారు. సినిమాకు ‘శ్రీకారం’ అనే టైటిల్‌ను ఖరారు చేశారు. ఈ సినిమా పూజా కార్యక్రమాన్ని ఆదివారం నిర్వహించారు. ప్రముఖ దర్శకుడు సుకుమార్‌ క్లాప్‌నిచ్చారు. కిశోర్‌ రెడ్డి దర్శకత్వం వహించనున్నారు. రామ్‌ ఆచంట, గోపి ఆచంట సంయుక్తంగా నిర్మించనున్నారు. ఆగస్టు నుంచి చిత్రీకరణ మొదలవుతుంది. 2020 సంక్రాంతికి సినిమా ప్రేక్షకుల ముందుకు రానుంది.
శర్వా నటిస్తున్న ‘రణరంగం’ ట్రైలర్‌ శనివారం విడుదలై మంచి స్పందన అందుకుంటోంది. ‘రణరంగం’ చిత్రంలో కాజల్‌ అగర్వాల్‌ కథానాయికగా నటిస్తున్నారు. ఈ సినిమా చిత్రీకరణలో భాగంగా శర్వా ఇటీవల తీవ్రంగా గాయపడ్డారు. ఆ తర్వాత కోలుకుని మళ్లీ చిత్రీకరణ మొదలుపెట్టారు.