కేంద్ర సహాయమంత్రి కిషన్‌రెడ్డి

హైదరాబాద్‌: కాంగ్రెస్‌, తెరాసపై కేంద్ర హోం శాఖ సహాయమంత్రి కిషన్‌రెడ్డి మండిపడ్డారు. యురేనియం తవ్వకాలకు గతంలో కాంగ్రెస్‌ ప్రభుత్వం... 2016లో తెరాస ప్రభుత్వం అనుమతిచ్చిందని తెలిపారు. మంగళవారం భాజపా రాష్ర్ట కార్యాలయంలో ఆయన విలేకరులతో మాట్లాడారు. ప్రజల నుంచి వ్యతిరేకత రావడంతో మాట మారుస్తున్నారని ఆరోపించారు. ఖనిజ సంపద, నిక్షేపాలు ఉన్న చోట కేంద్రం పరిశోధనలు చేస్తోంది. కానీ, యురేనియం తవ్వకాలకు అనుమతులు ఇవ్వలేదని స్పష్టం చేశారు. కాంగ్రెస్‌, తెరాస నేతలు తప్పుడు ప్రచారం చేస్తున్నారని మండిపడ్డారు. 1947 ఆగస్టు 15న స్వాతంత్ర్యం సిద్ధిస్తే తెలంగాణకు 1948 సెప్టెంబర్‌ 17న విముక్తి కలిగిందని అన్నారు. కోడెల ఆత్మహత్య చేసుకోవడం విషాదమని... ఏ రాజకీయ కుటుంబంలో ఇటువంటి ఘటనలు జరగరాదన్నారు. కోడెల ఆత్మహత్యపై రాష్ర్ట ప్రభుత్వం సమగ్ర దర్యాప్తు చేయాలని కోరారు. ఈ సంఘటనపై డీజీపీ, సీఎస్‌తో మాట్లాడి నివేదిక అడుగుతానని కిషన్‌ రెడ్డి తెలిపారు.