అమరావతి: వచ్చేనెల 15 నుంచి అందజేయనున్న వైఎస్‌ఆర్‌ రైతుభరోసా పెట్టుబడి సాయంపై ఏపీ ప్రభుత్వం మార్గదర్శకాలు విడుదల చేసింది.  2019-20కి రబీ నుంచి పెట్టుబడి సాయం అందించాలని నిర్ణయించిన నేపథ్యంలో ఈ పథకం కింద రైతులు, కౌలు రైతులకు రూ.12,500 సాయం అందజేయాలని ప్రభుత్వం భావిస్తోంది. సాగుచేసే భూమితో సంబంధం లేకుండా రైతులందరికీ దీన్ని వర్తింపజేయనున్నారు. 

పీఎం కిసాన్‌ సమ్మాన్‌ కింద ఇచ్చే రూ.6వేలు దీనిలోనే కలిసి ఉంటుందని ప్రభుత్వం స్పష్టం చేసింది. మరోవైపు ప్రస్తుత, మాజీ మంత్రులు, ఎమ్మెల్యేలు, ఎంపీలు, మేయర్లు, జడ్పీ ఛైర్మన్లు, కేంద్ర, రాష్ట్ర ప్రభుత్వ ఉద్యోగులు, విశ్రాంత ఉద్యోగులు, ఆదాయపన్ను కట్టే రైతులకు ఈ పథకం వర్తించదని రాష్ట్ర ప్రభుత్వం మార్గదర్శకాల్లో పేర్కొంది.