హరియాణా, మహారాష్ట్రాల్లో మోగనున్న ఎన్నికల నగారా

దిల్లీ: మహారాష్ట్ర, హరియాణా అసెంబ్లీ ఎన్నికల నోటిఫికేషన్ ఈ రోజు మధ్యాహ్నం వెలువడే అవకాశం ఉంది. ఝార్ఖండ్‌ ఎన్నికలు మాత్రం డిసెంబరులో జరగనున్నట్లు తెలుస్తోంది. మహారాష్ట్ర, హరియాణా ఎన్నికలు మాత్రం దీపావళికి ముందే జరపాలని నిర్ణయించినట్లు రెండు రోజుల క్రితం వార్తలొచ్చాయి. ఈ నేపథ్యంలో ఎన్నికల కమిషన్‌ ఈ రోజు సమావేశమై ఎన్నికల షెడ్యూల్‌ను ప్రకటించనుంది. ఈరోజు నుంచే ఈ రెండు రాష్ట్రాల్లో ఎన్నికల కోడ్‌ అమల్లోకి రానుంది. మహారాష్ట్రలో ఇప్పటికే కాంగ్రెస్‌-ఎన్సీపీ పొత్తు పెట్టుకున్నాయి. మరోవైపు భాజపా-శివసేన కూడా ప్రచారం ప్రారంభించేశాయి. ఇక  ఎన్నికల నోటిఫికేషన్‌ రానుండటంతో ఈ రెండు పార్టీల మధ్య సీట్ల పంపకం కూడా ఓ కొలిక్కి వచ్చే అవకాశం ఉంది.