close

తాజా వార్తలు

వాట్సప్‌ హ్యాకింగ్‌: ప్రియాంక ఫోన్‌ కూడా..

రణ్‌దీప్‌ సుర్జేవాలా ఆరోపణ

దిల్లీ: ఇజ్రాయెల్‌కు చెందిన పెగాసస్‌ స్పైవేర్‌ భారత్‌లోని కొందరి ఫోన్లలో వాట్సప్‌లోకి చొరబడిందని వార్తలు వచ్చిన సంగతి తెలిసిందే. అయితే, ఈ స్పైవేర్‌ కాంగ్రెస్‌ ప్రధాన కార్యదర్శి ప్రియాంక గాంధీ ఫోన్‌లోకి కూడా చొరబడిందని ఆ పార్టీ అధికార ప్రతినిధి రణ్‌దీప్‌ సుర్జేవాలా ఆరోపించారు. ఇప్పటివరకూ ఈ స్పైవేర్‌ ముగ్గురు ప్రతిపక్ష నాయకుల ఫోన్‌లలో చొరబడిందని అన్నారు. ప్రియాంక సహా, బంగాల్‌ ముఖ్యమంత్రి మమతా బెనర్జీ, ఎన్సీపీ నాయకుడు ప్రఫుల్‌ పటేల్‌ల ఫోన్లను ఈ స్పైవేర్‌ పేరుతో ప్రభుత్వమే హ్యాకింగ్‌ చేయించిందని సుర్జేవాలా ఆరోపించారు. ఇందుకు కారణమైన వారిని శిక్షించాలని డిమాండ్‌ చేశారు.

‘‘వాట్సప్‌ హ్యాకింగ్‌కు గురైన వారందరికీ ఆ సంస్థ ఓ సందేశం పంపింది. ఇలాంటి మెసేజ్‌ ప్రియాంక కూడా అందుకున్నారు. ఆమె ఫోన్‌ కూడా హ్యాకింగ్‌కు గురైందని అందులో హెచ్చరించారు.’’ అని దిల్లీలో విలేకరులతో అన్నారు.

గత వారం ఈ స్పైవేర్‌ గురించి వాట్సప్‌ ప్రకటించిన సంగతి తెలిసిందే. ఇజ్రాయెల్‌కు చెందిన సైబర్‌ సెక్యూరిటీ సంస్థ ఎన్‌ఎస్‌వో వాట్సప్‌ సర్వర్లలోకి చొరబడి స్పైవేర్‌ను వ్యాప్తి చేస్తోందని వాట్సప్‌ వెల్లడించింది. భారత్‌కు చెందిన జర్నలిస్టులు, మానవ హక్కుల పోరాటకర్తలు, న్యాయవాదుల ఫోన్లకు ఈ ముప్పు ఉన్నట్లు వివరించింది.

వాట్సప్‌ సందేశాలపై నిఘా విధించడం చట్ట విరుద్ధమే కాకుండా సిగ్గుచేటని కాంగ్రెస్‌ తాత్కాలిక అధ్యక్షురాలు సోనియాగాంధీ కూడా శనివారం మండిపడ్డారు. ఆ స్పైవేర్‌తో కేంద్రం ఈ నిఘా ఉంచుతోందని ఆమె ఆరోపించారు.



Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు
ఛాంపియన్

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.