close

తాజా వార్తలు

భాజపాను వ్యతిరేకిస్తే సేనకు మద్దతిస్తాం

ఎన్సీపీ నేత కీలక వ్యాఖ్యలు

ముంబయి: ఏదేమైనా ప్రతిపక్షంలోనే కూర్చుంటామని తెగేసి చెప్పిన నేషనలిస్ట్‌ కాంగ్రెస్‌ పార్టీ ప్రస్తుతం మనసు మార్చుకున్నట్లు కనిపిస్తోంది. మహారాష్ట్రలో ప్రభుత్వం ఏర్పాటు చేయాల్సిందిగా ఆ రాష్ట్ర గవర్నర్‌ భాజపాను ఆహ్వానించిన నేపథ్యంలో ఎన్సీపీ పార్టీ నేత నవాబ్‌ మాలిక్‌ కీలక వ్యాఖ్యలు చేశారు. బల నిరూపణలో శివసేన భాజపాకు అనుకూలంగా ఉండకపోతే ఆ పార్టీకి మద్దతిస్తామని ఆయన ప్రకటించారు. ఈ మేరకు ఆయన మీడియాతో మాట్లాడారు.

‘భారతీయ జనతా పార్టీ ప్రభుత్వాన్ని ఏర్పాటు చేస్తే.. బల నిరూపణ సభలో కచ్చితంగా ఎన్సీపీ ఆ పార్టీకి వ్యతిరేకంగా ఓటేస్తుంది. అంతే కాకుండా శివసేన కూడా భాజపాకు ఓటేయకపోతే వారితో పొత్తుపై ఆలోచిస్తాం. శివసేన ఆధ్వర్యంలో ప్రభుత్వం ఏర్పాటుపై నిర్ణయం తీసుకుంటాం. ఇప్పటికే గవర్నర్‌ భాజపాని ఆహ్వానించారు. కానీ మేం మాత్రం ఆ పార్టీకి ఎట్టి పరిస్థితుల్లోనూ మద్దతివ్వం. ఎన్సీపీ ఎమ్మెల్యేలందరూ నవంబరు 12న సమావేశమై ప్రస్తుత రాజకీయ పరిస్థితులపై చర్చిస్తారు’ అని స్పష్టం చేశారు.

మహారాష్ట్ర అసెంబ్లీ ఎన్నికల ఫలితాలు వెలువడి రెండు వారాలు గడిచింది. ఎన్నికల సమయంలో పొత్తు పెట్టుకున్న భాజపా-శివసేన మధ్య సీఎం పదవి విషయంలో వివాదం ఏర్పడింది. దీని వల్ల ఇంకా అక్కడ ప్రభుత్వం ఏర్పాటు కాలేదు. 105 స్థానాలు గెలుచుకున్న భాజపాను ప్రభుత్వం ఏర్పాటు చేయాల్సిందిగా ఆ రాష్ట్ర గవర్నర్‌ భగత్‌ సింగ్‌ కొశ్యారీ ఆహ్వానించారు.


Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.