హైదరాబాద్‌: తెలంగాణ భవన్‌లో జరిగిన తెరాస పార్లమెంటరీ పార్టీ సమావేశం ముగిసింది. పార్టీ కార్య నిర్వాహక అధ్యక్షుడు కేటీఆర్‌ అధ్యక్షతన జరిగిన సమావేశానికి తెరాస ఎంపీలు, ముఖ్యనేతలు హాజరయ్యారు. ఈనెల 18న నుంచి ప్రారంభం కానున్న పార్లమెంట్‌ సమావేశాల్లో అనుసరించాల్సిన వ్యూహంపై నేతలకు కేటీఆర్‌ దిశానిర్దేశం చేశారు. ముఖ్యంగా రాష్ట్రానికి చెందిన పెండింగ్‌ అంశాలతో పాటు రావాల్సిన నిధులు గురించి సమావేశాల్లో లేవనెత్తాలని నిర్ణయించారు. మిషన్‌ భగీరథ ప్రాజెక్టుకు నిధులు, బయ్యారం ఉక్కు కర్మాగారంతో పాటు వివిధ ప్రాజెక్టులకు నిధులు రాబట్టే అంశంపై భేటీలో చర్చించామని తెరాస లోక్‌సభాపక్ష నేత నామా నాగేశ్వరరావు వివరించారు.