ముదురు ఎరుపు రంగు డబుల్‌ ఇకత్‌ పట్టు చీరంతా ఆవిష్కరించిన మీనాకారీ పటౌలా డిజైను... అంచులో నిలువు గీతలు... ఎంచుకుంటే ఆ కళే వేరు.

గళ్ల డిజైన్‌తో వైవిధ్యంగా కనిపిస్తోన్న తెలుపు రంగు ఇకత్‌  చీరంతా పరచుకున్న మీనాకారీ బుటాలు బాగున్నాయి కదూ. అంచుల్లో మీనాకారీ జిగ్‌జాగ్‌ డిజైను... జతగా ఎరుపు- బంగారు రంగులు వావ్‌ అనిపిస్తాయి.

నీలం రంగు ఇకత్‌ చీరపై పైస్లీ మీనాకారీ పక్షుల హొయలు ముచ్చటగొలిపితే... అంచుపై జరీతో నేసిన మయూరాలు, గజరాజుల హంగులు ఆకట్టుకుంటున్నాయి.

ఆకుపచ్చ రంగు డబుల్‌ ఇకత్‌ సిల్కు చీరపై మురిపిస్తోన్న మీనాకారీ పటౌలా డిజైను... జతగా ఎరుపు-బంగారు వర్ణాల అంచు, కొంగు అదరహో!

ఈ చీరలు హైదరాబాద్‌, జూబ్లీహిల్స్‌ కళాంజలి షోరూంలో లభ్యమవుతాయి.
మోడల్‌ : మాయా రావు
ఫొటోలు: పాతూరి పద్మావతి