కాలేజీలో క్లాసులు, ఆఫీసులో కోడింగ్‌తో కుస్తీలు.. ఇలా ఎప్పుడూ ఏదో ఒక పనిలో లీనమైపోయి నీళ్లు తాగడం మర్చిపోతాం. దీంతో డీహైడ్రేషన్‌కి గురవుతాం. ఇటీవల కేరళ ప్రభుత్వం పాఠశాలల్లో ప్రత్యేకంగా వాటర్‌ బెల్‌ను ప్రవేశపెట్టింది. బెల్‌ మోగినప్పుడల్లా చిన్నారులు బాటిల్స్‌ అందుకొని నీళ్లు తాగాలి. చిన్నారుల సంగతి సరే..! మరి మీరేం చేస్తున్నారు? ఆలోచనలో పడ్డారా? అందుకే ఈ బాటిల్‌. దీని వైపు చూస్తే చాలు.. ఎప్పుడెప్పుడు నీళ్లు తాగాలో గుర్తు చేస్తుంది. నిర్ణీత సమయానికి నీళ్లు తాగించడం అలవాటు చేస్తుంది. బాగుంది కదూ! మరెందుకు ఆలస్యం.. మీ టేబుల్‌పై పెట్టేయండి. ఓ బాటిల్‌ని మీ ప్రియమైన వారికి బహుమతిగా ఇవ్వండి.