కోడంబాక్కం, న్యూస్‌టుడే: కథానాయికలందరిలోనూ భిన్నమైన పాత్రను పోషించనుందని అమలాపాల్‌. ఫోరెన్సిక్‌ సర్జన్‌గా కొత్త చిత్రంలో నటిస్తోందీ సుందరి. ఈ సినిమా తమిళం, మలయాళ భాషల్లో తెరకెక్కుతోంది. అనూప్‌ దర్శకత్వం వహిస్తున్నారు. కేరళకు చెందిన విశ్రాంత పోలీసు సర్జన్‌ డాక్టర్‌ ఉమా నిజ జీవితంలో జరిగిన ఘటనల ఆధారంగా ఈ సినిమాను తెరకెక్కిస్తున్నారు. ఉమా పాత్రలో కొన్ని మార్పులు, చేర్పులు చేసి.. అందులో అమలాపాల్‌ను నటింపజేస్తున్నారు. కథానాయిక ప్రాధాన్యత కలిగిన ఈ సినిమా చిత్రీకరణ చెన్నై, కోయంబత్తూరు, కేరళలోని కొన్ని ప్రాంతాల్లో జరుగనుందని చిత్రవర్గాలు పేర్కొన్నారు. త్వరలోనే షూటింగ్‌ మొదలుకానుంది.