హైదరాబాద్‌: నటి నిహారిక కొణిదెల ప్రధాన పాత్రలో నటిస్తున్న చిత్రం ‘సూర్యకాంతం’. ప్రణీత్‌ బ్రహ్మాండపల్లి ఈ చిత్రానికి దర్శకత్వం వహిస్తున్నారు. రాహుల్‌ విజయ్‌ కథానాయకుడు. కాగా.. ఈ చిత్రంలోని ‘ఫ్రైడే నైట్‌ బేబీ.. పార్టీ నైట్‌ బేబీ..’ అనే పాటను సినీ నటుడు నాగచైతన్య ట్విటర్ వేదికగా విడుదల చేశారు. ఈ పాటలో నిహారిక, రాహుల్‌ చిందులేస్తూ కనిపించారు. నిర్వాణా సినిమాస్‌ బ్యానర్ సినిమాను నిర్మిస్తోంది. నిహారిక సోదరుడు, నటుడు వరుణ్‌ తేజ్‌ సమర్పకుడిగా వ్యవహరిస్తున్నారు. మార్క్‌ కె రాబిన్‌ ఈ చిత్రానికి సంగీతం అందించారు. ‘హ్యాపీ వెడ్డింగ్‌’ తర్వాత నిహారిక నటిస్తున్న చిత్రమిది. ఫస్ట్‌లుక్‌తోనే సినిమాపై అంచనాలు పెరిగిపోయాయి. త్వరలో ఈ సినిమాను ప్రేక్షకుల ముందుకు తీసుకురానున్నారు.