close

తాజా వార్తలు

ఎన్టీఆర్‌ జయంతి సందర్భంగా దర్శకేంద్రుడి కొత్త సినిమా

హైదరాబాద్‌: అలనాటి నటుడు నందమూరి తారక రామారావు జయంతి సందర్భంగా దర్శకేంద్రుడు రాఘవేంద్రరావు తన తదుపరి చిత్రాన్ని ప్రకటించారు. ఈ సినిమా తన కెరీర్‌లోనే ఎంతో ప్రత్యేకమని ట్విటర్‌ వేదికగా వెల్లడించారు. ‘నా యాభై ఏళ్ల సినీ జీవితంలో అన్నగారితో ప్రయాణం ఎన్నటికీ మరువలేనిది. గత జన్మల సుకృతంగా భావిస్తాను. ఆ మహానుభావుడి జయంతి సందర్భంగా నా తదుపరి చిత్రాన్ని ప్రకటించడం ఆనందంగా ఉంది. నా కెరీర్‌లో ఈ సినిమా ఎంతో ప్రత్యేకం. మరింత కొత్తగా ప్రయత్నించబోతున్నాను. పూర్తి వివరాలు త్వరలో ప్రకటిస్తాను’ అని పేర్కొంటూ.. ఎన్టీఆర్‌కు నివాళులు అర్పిస్తున్న ఫొటోను అభిమానులతో పంచుకున్నారు.

ఆ ఫొటోలో.. ‘ముగ్గురు దర్శకులతో, ముగ్గురు హీరోయిన్స్‌తో దర్శకేంద్రుడి సినిమా. హీరో?’ అన్న క్యాప్షన్‌ కూడా రాసుంది. దీనిని బట్టి చూస్తే ఈ సినిమాను రాఘవేంద్రరావుతో పాటు మరో ఇద్దరు దర్శకులు కూడా తెరకెక్కించబోతున్నట్లు తెలుస్తోంది. 2017లో వచ్చిన ‘ఓం నమో వేంకటేశాయ’ సినిమాకు రాఘవేంద్రరావు దర్శకత్వం వహించారు. దాదాపు రెండేళ్ల తర్వాత ఆయన మరో భారీ ప్రాజెక్ట్‌ను ప్రకటించారు. 


Tags :

సినిమా

రాజకీయం

జనరల్‌

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.