close

తాజా వార్తలు

ఇలాంటి సినిమాను ఎవ్వరూ తీయలేదు

‘హిప్పీ’ దర్శకుడు టీఎన్‌ కృష్ణ

హైదరాబాద్‌: ‘హిప్పీ’ లాంటి కాన్సెప్ట్‌తో ఇప్పటివరకూ సినిమా రాలేదని అంటున్నారు దర్శకుడు టీఎన్‌ కృష్ణ. ఆయన తెరకెక్కించిన ఈ చిత్రంలో కార్తికేయ కథానాయకుడిగా నటించారు. దిగంగనా సూర్యవంశీ, జజ్బా సింగ్‌ కథానాయికలు. గురువారం సినిమా ప్రేక్షకుల ముందుకు రానున్న నేపథ్యంలో హైదరాబాద్‌లో ఏర్పాటుచేసిన విలేకర్ల సమావేశంలో టీఎన్‌ కృఫ్ణ పాల్గొన్నారు. ఈ సందర్భంగా ఆయన సినిమా గురించి మాట్లాడుతూ..

‘నేను తమిళంలో తెరకెక్కించిన ‘సిల్లును ఒరు కాదల్‌’ సినిమా తెలుగులో ‘నువ్వు నేను ప్రేమ’గా విడుదలైంది. తెలుగులో నా తొలి సినిమా ‘హిప్పీ’. మనసుకు ఏది తోస్తే దానిని చేసుకుంటూ పోయే ఓ కుర్రాడి కథ ఇది. సినిమా చాలా బాగుంటుంది. నిర్మాత కూడా సంతృప్తిగా ఉన్నారు. ప్రస్తుతం సమాజంలో యువత ఎలా ఉంది అన్న కోణాలను ఈ సినిమాలో చూపించబోతున్నాం. ఇందులో ఓ సందేశం కూడా ఉంటుంది. జాన్‌ మెల్టన్‌ రాసిన ‘ప్యారడైజ్‌ లాస్ట్‌’ అనే నవల నుంచి స్ఫూర్తిపొంది ఈ సినిమాను తీశాను. పోస్టర్లలో లిప్‌ లాక్‌ సన్నివేశాలున్నప్పటికీ సందేశాత్మకంగా తెరకెక్కించాం. జేడీ చక్రవర్తి పాత్ర కూడా చాలా బాగుంటుంది. కేవలం ప్రేమే కాదు అన్ని అంశాలు ఉన్నాయి. ఎవ్వరూ ఇంతవరకు ఇలాంటి కాన్సెప్ట్‌తో సినిమాను తీయలేదు. ఈ సినిమాను కార్తికేయ చేస్తేనే బాగుంటుంది అనిపించింది’ అని తెలిపారు.


Tags :

సినిమా

రాజకీయం

జనరల్‌

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.