ఇటీవలే ‘సైరా’కి  గుమ్మడికాయ కొట్టేశారు. తన పాత్రకు చిరంజీవి డబ్బింగ్‌ చెప్పడం కూడా మొదలెట్టేశారు. నిర్మాణానంతర కార్యక్రమాలు పూర్తిచేసుకుని అక్టోబరు 2న ఈ చిత్రం విడుదలకానుంది. ఈలోగా చిరు తన 152వ చిత్రాన్నీ సెట్స్‌పైకి తీసుకెళ్లడానికి సిద్ధం అవుతున్నారు. ఈ చిత్రాన్ని కొరటాల శివ తెరకెక్కించనున్నారు. రామ్‌చరణ్‌ నిర్మాత. జులై మొదటి వారంలో మొదలు కానుంది. ఇందుకోసం హైదరాబాద్‌ శివార్లలో ఓ సెట్‌ని తీర్చుదిద్దుతున్నారు. అక్కడే తొలి షెడ్యూల్‌ మొదలు కానుంది. చిరు ద్విపాత్రాభినయం చేయనున్న ఈ చిత్రంలో నయనతారని నాయికగా ఎంచుకున్నట్టు తెలుస్తోంది. దేవిశ్రీ ప్రసాద్‌ సంగీతం అందించనున్నారు. 2020 వేసవికి ఈ చిత్రాన్ని విడుదల చేస్తారు. పూర్తి వివరాలు త్వరలో వెల్లడవుతాయి.