ప్రకాశం జిల్లా సింగరాయ కొండలో ఘటన

సింగరాయకొండ: ప్రకాశం జిల్లా జిల్లా సింగరాయకొండలో యువకుల గొడవ పోలీస్‌ స్టేషన్‌ వరకు వెళ్లింది. ఇద్దరు యువకులుపై దాడి చేస్తున్న దృశ్యాలు సామాజిక మాధ్యమాల్లో హల్‌చల్‌ చేయడంతో పోలీసులు కేసు నమోదు చేశారు. తమ బంధువుల అమ్మాయితో అసభ్యకరంగా ప్రవర్తించారన్న వివాదం ఈ దాడికి దారితీసింది. ఓ వర్గం యువకులు, మరో వర్గానికి చెందిన యువకుల్ని సరుగుడు తోటకు పిలిపించి చితక్కొట్టారు. దాడిచేసిన దృశ్యాలను వారిలో ఒకరు ఫోన్‌లో చిత్రీకరించి గ్రూపులో పోస్ట్‌ చేశారు. ఆ దృశ్యాలు చివరికి పోలీసులకు చేరడంతో నలుగురు యువకులను అదుపులోకి తీసుకొని ప్రశ్నిస్తున్నారు.