హైదరాబాద్‌: మెగాస్టార్ చిరంజీవి నటిస్తున్న చిత్రం ‘సైరా నరసింహారెడ్డి’. స్వాతంత్ర్య సమరయోధుడు ఉయ్యాలవాడ నరసింహారెడ్డి జీవితాన్ని ఆధారంగా తీసుకుని ఈ సినిమా తెరకెక్కుతోంది. భారీ బడ్జెట్‌తో తెరకెక్కుతున్న ఈ చిత్రాన్ని రామ్‌చరణ్‌ నిర్మిస్తున్నారు. ఇప్పటికే విడుదలైన చిత్ర ట్రైలర్‌కు విశేష స్పందన లభిస్తోంది. అన్ని కార్యక్రమాలు పూర్తి చేసుకున్న ఈ చిత్రం అక్టోబర్‌ 2న ప్రేక్షకుల ముందుకు రాబోతోంది. ఈ సినిమాలో చిరంజీవి, అమితాబ్ సహా ఇతర తారాగణం ధరించిన వస్త్రాలు, ఆభరణాలను మంగత్రాయ్ జ్యువెల్లర్స్‌ వారు శనివారం నగరంలో ప్రదర్శించారు. ఈ నగలు చూపరులను ఆకట్టుకుంటున్నాయి. ఈ ప్రదర్శనలో చిరంజీవి పెద్ద కుమార్తె సుస్మిత కొణిదెల పాల్గొని సందడి చేశారు. అనంతరం ఆమె మాట్లాడుతూ... ‘సైరా’ సినిమా కోసం మంగత్రాయ్‌తో కలిసి పనిచేయటం గొప్ప అనుభూతిని కలిగించిందని సంతోషం వ్యక్తం చేశారు.