close

తాజా వార్తలు

కోడి కూయని ఊరు!

ఏ పల్లెటూరుకైనా కోడి కూతతో తెల్లవారుతుంది. అసలు కోడే కనిపించని ఊరు ఎక్కడైనా ఉంటుందా..? కోడి కూర తినని పల్లె ఉంటుందా..? ఇక్కడుంది...
తెలంగాణ రాష్ట్రం వనపర్తి జిల్లాలోని పెబ్బేరు మండలం కంచిరావుపల్లి తండా జనాభా 550. ఈ గ్రామంలో ఎక్కడా కోడి కనిపించదు. కొన్ని తరాల నుంచి ఈ తండా వాసులు కోడి మాంసం, గుడ్లను తినడం లేదు. వారు చేప కూర వాసన కూడా చూడరు. అలాగని ఈ ఊరి వారు శాకాహారులేం కాదు. మేక, పొట్టేలు మాంసం తింటారు. ఈ ఊరు ఇలా ఉండడానికి ఓ ప్రత్యేక కారణం ఉంది. కొన్ని తరాలకు పూర్వం సోమనాథ్‌ బావుజీ అనే గురువు వచ్చి గ్రామంలో పర్యటిస్తుండగా ఆయన వేసిన ఉమ్మిని ఓ కోడి తిందట. అప్పుడాయన ఇక్కడి ప్రజలు కోడి మాంసం, గుడ్లు...కోడికి సంబంధించినవేవీ తినకూడదని ఆజ్ఞాపించారని గ్రామస్థులు చెబుతారు. చేపల నిషేధానికీ ఓ ప్రత్యేక కారణం ఉంది. ఆ గురువు ఊళ్లో ఉన్న సమయంలోనే పశువులు కాసేవారు చేపలు వండుతుండగా కుండలో ఉన్న చేపలు బతికాయట. దీంతో గురువు వాటిని ముట్టుకోవద్దన్నారని స్థానికులు వివరిస్తారు. ఈ తండా నుంచి పెళ్లి చేసుకుని వెళ్లిన అమ్మాయిలు వారి అత్తవారి ఇళ్లలో వీటిని తినవచ్చు. ఈ ఊరికి వచ్చిన ఆడపడుచులకు మాత్రం పై నిబంధనలు వర్తిస్తాయి.  
- పాతకోటి అంజిరెడ్డి


Tags :

సినిమా

రాజకీయం

జనరల్‌

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.