close

తాజా వార్తలు

ఆయన్ను చాలా మిస్‌ అవుతున్నాం: సల్మాన్‌

ముంబయి: బాలీవుడ్‌ కథానాయకుడు సల్మాన్‌ ఖాన్‌ ‘దబాంగ్‌ 3’ సెట్‌లో భావోద్వేగానికి గురయ్యారు. ప్రభుదేవా దర్శకత్వం వహిస్తున్న సినిమా ఇది. సోనాక్షి సిన్హా కథానాయిక. సక్సెస్‌ఫుల్‌ సిరీస్‌ ‘దబాంగ్‌’ సీక్వెల్‌గా రూపుదిద్దుకుంటున్న ఈ చిత్రం షూటింగ్‌ పూర్తయింది. చివరి రోజు సెట్‌లో తీసుకున్న వీడియోను సల్మాన్‌ ఇన్‌స్టాగ్రామ్‌లో షేర్‌ చేశారు. ఆదివారంతో చిత్రీకరణ ముగిసిందని, ఈ రోజు దివంగత నటుడు వినోద్‌ ఖన్నా పుట్టినరోజని గుర్తు చేసుకున్నారు. షూటింగ్‌లో వినోద్‌ ఖన్నాను మిస్‌ అయ్యామని భావోద్వేగానికి గురయ్యారు. ‘దబాంగ్‌’లో సల్మాన్‌ తండ్రిగా వినోద్‌ ఖన్నా నటించారు. ఈ నేపథ్యంలో సల్లూభాయ్‌ ఆయన్ను గుర్తు చేసుకున్నారు. ఇప్పుడు ‘దబాంగ్‌ 3’లో సల్మాన్‌ తండ్రి పాత్రను వినోద్‌ ఖన్నా సోదరుడు ప్రమోద్‌ పోషిస్తున్నారు.

కన్నడ స్టార్‌ సుదీప్‌ ఈ సినిమాలో ప్రతినాయకుడిగా కనిపించనున్నారు. డిసెంబరు 20న ఈ చిత్రాన్ని ప్రేక్షకుల ముందుకు తీసుకొస్తున్నట్లు సల్మాన్‌ ఇప్పటికే ప్రకటించారు. మరోపక్క ‘ఏక్తా టైగర్‌ 3’ సినిమాలోనూ ఆయన నటించబోతున్నారు. ఈ సినిమాకు అలీ అబ్బాస్‌ జాఫర్‌, ప్రభుదేవా సంయుక్తంగా దర్శకత్వం వహించనున్నట్లు సమాచారం. సల్లూభాయ్‌ ఇటీవల ‘భారత్‌’తో మంచి హిట్‌ అందుకున్న సంగతి తెలిసిందే.



Tags :

సినిమా

రాజకీయం

జనరల్‌

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.