close

తాజా వార్తలు

ప్రియాంక ఇల్లు రూ.144 కోట్లు?

స్థానిక రికార్డులను బద్దలుకొట్టిన నిక్‌ దంపతులు

లాస్‌ఏంజెల్స్‌: కొన్ని ఏళ్లపాటు ప్రేమించుకుని గతేడాది వివాహ బంధంతో ఒక్కటయ్యారు బాలీవుడ్‌ నటి ప్రియాంక, హలీవుడ్‌ గాయకుడు నిక్‌ జోనాస్‌. తాజాగా ఈ జంట లాస్‌ ఏంజెల్స్‌లోని స్థానిక ఎన్సినో ప్రాంతంలో రూ.144 కోట్ల (20మిలియన్‌ డాలర్లు) విలువైన ఓ ఖరీదైన భవంతిని కొనుగోలు చేసినట్లు తెలుస్తోంది. అత్యంత ఖరీదైన నివాసాన్ని కొనుగోలు చేసి స్థానిక రియల్‌ ఎస్టేట్‌ రికార్డులను ఈ జంట కొల్లగొట్టినట్లు లాస్‌ ఏంజెల్స్‌లోని ఆంగ్ల పత్రిక వార్తను ప్రచురించింది. 20 వేల చదరపు అడుగులతో ఉన్న ఈ ఇంట్లో 7 పడక గదులు, 11 బాత్‌ రూమ్‌లు ఉన్నాయట. అంతేకాకుండా ఇంటిముందు విశాలమైన మైదానం కూడా ఉందట. మరోవైపు నిక్‌ సోదరుడు జోయీ జోనాస్‌ సైతం 14.1 మిలియన్‌ డాలర్ల విలువైన ఓ నివాస గృహాన్ని కొనుగోలు చేశారు. నిక్‌ నివాసానికి కొన్ని అడుగుల దూరంలోనే జోయీ నివాసం ఉంటుంది. 15 వేల చదరపు అడుగులతో ఉన్న ఈ నివాసంలో 10 పడకగదులు, 14 బాత్‌ రూమ్‌లు ఉన్నాయి. దీనికి సంబంధించి ఎటువంటి అధికారిక ప్రకటన వెలువడలేదు.

లాస్‌ ఏంజెల్స్‌లో ఓ ఖరీదైన, విలాసవంతమైన నివాసాన్ని ఏర్పాటు చేసుకోవడమే తమ డ్రీమ్‌ అని ప్రియాంక-జొనాస్‌ చాలాసార్లు తెలిపారు. ఇందుకోసం నిక్‌ ఆగస్టులో తన బ్యాచ్‌లర్‌ పాడ్‌ను కూడా అమ్మేసాడు. ఇటీవల విడుదలైన ‘ది స్కై ఈజ్‌ పింక్‌’ చిత్రంతో మంచి విజయాన్ని అందుకున్నారు నటి ప్రియాంక చోప్రా.  చిన్నప్పుడే అరుదైన వ్యాధికి గురైనప్పటికీ ఓ వక్తగా, రచయిత్రిగా గుర్తింపు తెచ్చుకున్న అయిషా చౌదరి జీవితకథను ఆధారంగా చేసుకుని ఈ చిత్రాన్ని తెరకెక్కించారు. ప్రస్తుతం ప్రియాంక ‘ది వైట్‌ టైగర్‌’లో నటిస్తున్నారు.


Tags :

సినిమా

రాజకీయం

జనరల్‌

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.