వీడియో షేర్‌ చేసిన సుధీర్‌బాబు

హైదరాబాద్‌: కథానాయకుడు సుధీర్‌బాబు ఓ పక్క ‘వి’ సినిమా షూటింగ్‌లో పాల్గొంటూనే మరోపక్క పుల్లెల గోపీచంద్‌ సినిమా కోసం కసరత్తులు చేస్తున్నారు. ఈ విషయాన్ని ఆయనే స్వయంగా చెప్పారు. ఇంద్రగంటి మోహనకృష్ణ దర్శకత్వం సుధీర్‌, నాని నటిస్తున్న సినిమా ‘వి’. నివేదా థామస్‌, అదితిరావు హైదరి కథానాయికలు. గత కొన్ని రోజులుగా ఈ సినిమా షూటింగ్‌ జరుగుతోంది.

కాగా మరోపక్క సుధీర్‌ ప్రముఖ బ్యాడ్మింటన్‌ క్రీడాకారుడు పుల్లెల గోపీచంద్‌ బయోపిక్‌లో నటిస్తున్నారు. ప్రవీణ్‌ సత్తారు తెరకెక్కించనున్న ఈ చిత్రం కోసం సుధీర్‌ సిద్ధమౌతున్నారు. రోజూ బ్యాడ్మింటన్‌ సాధన చేస్తున్నారు. స్వతహాగా పుల్లెల గోపీచంద్‌ జీవితాన్ని, ఆయన ఆటని దగ్గర్నుంచి చూశారు. ఆ అనుభవంతోనే ఆయన పాత్రని రక్తి కట్టించేందుకు మైదానంలోకి దిగి సాధన చేస్తున్నారు. తెలుగు, హిందీ భాషల్లో ఈ సినిమాను తెరకెక్కించనున్నారట. ఈ నేపథ్యంలో ‘వి’ షూట్‌ విరామంలో సుధీర్‌ బ్యాడ్మింటన్‌ సాధన చేస్తున్నారు. ఈ సందర్భంగా తీసిన వీడియోను ఆయన షేర్‌ చేశారు. ‘వి’ విరామం షెడ్యూల్‌ పుల్లెల గోపీచంద్‌ షెడ్యూల్‌ సాధనకు ఉపయోగపడుతోందని అన్నారు.