‘ఫ్రోజన్‌ 2’ తెలుగు ట్రైలర్‌ వచ్చేసింది

హైదరాబాద్‌: హాలీవుడ్‌ ప్రముఖ నిర్మాణ సంస్థ వాల్ట్‌డిస్నీ స్టూడియోస్‌, మోషన్‌ పిక్చర్స్‌ సంయుక్తంగా రూపొందిస్తున్న చిత్రం ‘ఫ్రోజెన్‌ 2’. 2013లో విడుదలై మంచి విజయాన్ని సాధించిన ‘ఫ్రొజెన్‌’ చిత్రానికి కొనసాగింపుగా ‘ఫ్రోజెన్‌ 2’ తెరకెక్కుతుంది. తెలుగులో రాబోతున్న ఈ చిత్రంలోని రాకుమార్తె ఎల్సా పాత్రకు నిత్యామేనన్‌ గొంతునిచ్చారు. అలాగే సూపర్‌స్టార్‌ మహేశ్‌బాబు తనయ సితార ఈ చిత్రంలో చిన్నప్పటి ఎల్సా పాత్రకు వాయిస్‌ను అందించారు. నవంబర్‌ 22న ఈ సినిమా ప్రేక్షకుల ముందుకు రాబోతుంది. ఈ నేపథ్యంలో చిత్రబృందం శనివారం ఈ సినిమా ట్రైలర్‌ను సోషల్‌మీడియా వేదికగా విడుదల చేసింది. ‘ఎల్సా గతమంటే మనకు తెలిసింది మాత్రమే కాదు. నువ్వు నిజమేంటో కనుక్కోవాలి.’ అనే డైలాగుతో ఈ ట్రైలర్‌ ప్రారంభమవుతోంది.