‘తంబి’ పోస్టరు

కోడంబాక్కం, న్యూస్‌టుడే: తొలిసారి జ్యోతిక, కార్తి కలిసి నటించిన చిత్రం ‘తంబి’. ఇందులో అక్క, తమ్ముడి పాత్రలో నటించినట్లు సమాచారం. అందుకే ఈ సినిమాకు ‘తంబి’ (తమ్ముడు) అని పేరు పెట్టారు. 2006లో మాధవన్‌ హీరోగా నటించిన చిత్రం ‘తంబి’. ఆ సినిమాకు దీనికి ఎలాంటి సంబంధం లేదని చిత్రవర్గాలు స్పష్టం చేశాయి. కథకు తగ్గట్లు ఉన్నందునే ఈ పేరును ఎంచుకున్నట్లు సమాచారం. మరోవైపు నటుడు కార్తి.. మెగాస్టార్‌ చిరంజీవి టైటిళ్లపై దృష్టిపెట్టినట్లు కూడా వార్తలు వినిపిస్తున్నాయి. ఇటీవల దీపావళికి విడుదలైన ‘ఖైదీ’.. చిరంజీవి గతంలో తీసిన సినిమా పేరే. ఇప్పుడు ‘తంబి’ చిత్రానికి తెలుగులో ‘దొంగ’ అని పేరు పెట్టారు. అది కూడా చిరంజీవి 1985లో నటించిన సినిమా కావడం విశేషం. ఇదిలా ఉండగా ఈ సినిమా కోసం కార్తి ఎక్కువగా శ్రమించినట్లు తెలుస్తోంది. రొటీన్‌ చిత్రాలకు ఇది పూర్తి భిన్నంగా ఉంటుందని, సినిమా తప్పకుండా భారీ విజయాన్ని సొంతం చేసుకుంటుందని కార్తి అంచనాలు పెంచుకున్నారు. అంతేకాకుండా మరో విజయాన్ని అందుకోవాలని కోరుకుంటున్నారు.