తాజా వార్తలు
రుతురాగాల వేళ..
అక్కడికి చేరుకోగానే..
చిరుజల్లులు స్వాగతం పలుకుతాయి
ఇంకో నాలుగు అడుగులు వేయగానే..
పచ్చని పర్వతాలు మమ్మల్ని చూడండంటాయి
ఆ కొండ వాలుల్లోకి వెళ్లగానే..
మేఘమాలికలు మీ చేతికందుతాయి
అక్కడ నడవండి..
కొండలెక్కండి..
అద్భుతాలను ఆస్వాదించండి..
|
వానల్లో.. కోనల్లో.. మాథెరాన్‌
ఏడాదంతా ఇలాగే ఉంటుందిక్కడ. అందుకే ఎక్కడెక్కడి నుంచో పర్యాటకులు మాథెరాన్‌కు వెళ్తుంటారు. వర్ష రుతువులో అయితే మరీనూ! రోజూ వర్షం పలకరిస్తుంది. కొండల నుంచి జలధారలు ఉప్పొంగుతుంటాయి. నేలంతా మెత్తబడి అడుగులకు మడుగులొత్తుతుంది. పర్యాటకులు వర్షంలోనే కొండ అంచుకు చేరుకుంటారు. గరం గరం చాయ్‌ తాగుతూ.. కేరింతల స్వరం పెంచుతారు. కొండల చుట్టూ ఉన్న కోనల సోయగాలు చూస్తూ పరవశిస్తారు. మాథెరాన్‌ చుట్టుపక్కల 38 వ్యూ పాయింట్లు ఉన్నాయి. వన్‌ట్రీ హిల్‌ పాయింట్‌, హనీమూన్‌ హిల్‌, అలెగ్జాండర్‌ పాయింట్‌, పనోరమా పాయింట్‌, లూసియా పాయింట్‌ ఇలా రకరకాల వ్యూ పాయింట్లు మాథెరాన్‌ సౌందర్యాన్ని 360 డిగ్రీల కోణంలో ఆవిష్కరిస్తాయి. అడ్వెంచర్‌ డెస్టినేషన్‌గా మాథెరాన్‌కు పేరుంది. ఇక్కడి పరిసరాల్లో ట్రెక్కింగ్‌, ర్యాపెలింగ్‌, క్యాంప్‌ఫైర్‌, రాక్‌ క్లైంబింగ్‌ వంటి ఈవెంట్లు సాహసయాత్రికులను అలరిస్తాయి. దోధనీ జలపాతం మనసును కట్టిపడేస్తుంది. చందేరి గుహలు ఆశ్చర్యపరుస్తాయి. ఆద్యంతం ఆనందాల మధ్య సాగే మాథెరాన్‌ పర్యటన ఎప్పటికీ గుర్తుండిపోతుంది. వాహనాలకు నో ఎంట్రీ మాథెరాన్‌లో వాహనాల రణగొణ ధ్వనులు వినిపించవు. అంబులెన్స్‌ తప్ప మిగతా ఏ వాహనమూ అక్కడ కనిపించదు. ఎవరు వచ్చినా.. ఆ కొండల పాదాల చెంత వాహనాలు ఆపాల్సిందే. పర్యావరణ పరిరక్షణ కోసం మాథెరాన్‌లో వాహనాలను నిషేధించారు. గుర్రాలపై స్వారీ చేయవచ్చు. |
|
కోటలో పాగా ప్రబల్‌గడ్‌ పుణె సమీపంలో ట్రెక్కింగ్‌ జోన్‌గా పేరున్న మరో అద్భుతం ప్రబల్‌గడ్‌. సముద్రమట్టానికి 2,650 అడుగుల ఎత్తులో ఉంటుందీ ప్రాంతం.ఆ కోటపై మొఘలుల పెత్తనం సాగింది. అదిల్‌షాహీల ఆధిపత్యం నడిచింది. మరాఠాల ధ్వజం ఎగిరింది. ఎందరో యోధులు ప్రబల్‌గడ్‌లో అడుగుపెట్టారు. నేటికీ సాహసవంతులు మాత్రమే కోటలో పాగా వేయగలరు. ట్రెక్కింగ్‌ ప్రియులు క్యూ కడుతుంటారు. వారాంతాల్లో వందల మంది ఇటుగా వస్తారు. సరదాగా కబుర్లాడుకుంటూ.. కొండపైకి చేరుకుంటారు. అక్కడున్న కోట శిథిలావస్థకు చేరినా.. దర్పం మాత్రం తగ్గలేదు. ప్రకృతి సంపదతో అలరారుతున్న ప్రబల్‌గడ్‌ ట్రెక్కింగ్‌కు అనువైన ప్రదేశం. గిరి అంచు నుంచి కిందికి చూస్తే కళ్లముందు అద్భుతాలు కదలాడుతుంటాయి. మేఘాలు దాటి పైకొచ్చిన అనుభూతి కలుగుతుంది. మబ్బులన్నీ వినువీధులు వీడి.. మనతో దోస్తీకి వచ్చాయా అనిపిస్తుంది. చిరుజల్లుల వేళ ప్రబల్‌గడ్‌ ట్రెక్కింగ్‌ మరింత మనోహరంగా ఉంటుంది. కొండవాలులో చిన్నా చితకా జలపాతాలు కళ్లను కట్టిపడేస్తాయి. గంటన్నరలో కొండపైకి చేరుకోవచ్చు. పెద్దగా ఆయాసపడాల్సిన అవసరమూ ఉండదు. |
|
శిఖరాగ్ర సంతోషం కళావతి దుర్గ్‌
|
|
చేరుకునేదిలా * మాథెరాన్‌ ముంబయ్‌ నుంచి 90 కి.మీ, పుణె నుంచి 120 కి.మీ దూరంలో ఉంది. ఈ రెండు ప్రాంతాల నుంచి బస్సుల్లో, ప్రైవేట్‌ ట్యాక్సీల్లో మాథెరాన్‌ పర్వతం పాదాల చెంతనుండే నెరల్‌కు చేరుకోవచ్చు. అక్కడి నుంచి మాథెరాన్‌ వెళ్లొచ్చు.* హైదరాబాద్‌, విజయవాడ, విశాఖపట్నం నుంచి కర్జత్‌కు రైళ్లున్నాయి. అక్కడి నుంచి నెరల్‌ మీదుగా మాథెరాన్‌ వెళ్లొచ్చు. * కర్జత్‌ నుంచి రోడ్డు మార్గంలో ప్రబల్‌గడ్‌ బేస్‌క్యాంప్‌ ఠాకూర్‌వాడికి (27 కి.మీ.) చేరుకోవచ్చు. |
|
క్యాంప్‌లో సందడి
|
|
కొండల మీదుగా.. మాథెరాన్‌ దిగువన నెరల్‌ జంక్షన్‌ ఉంటుంది. అక్కడి నుంచి కొండపైకి రైలుమార్గం అందుబాటులో ఉంది. 21 కిలోమీటర్ల దూరం.. టాయ్‌ ట్రైన్‌లో భలేగా సాగుతుంది. కొండలు, గుట్టల నడుమ రెండుగంటల పాటు సాగే రైలు ప్రయాణం మరచిపోలేని అనుభూతినిస్తుంది. |
Tags :
రాజకీయం
జనరల్‌
సినిమా
క్రైమ్
స్పోర్ట్స్
బిజినెస్‌
జాతీయ-అంతర్జాతీయ
జిల్లా వార్తలు
ఛాంపియన్
- నరేష్ వివరణపై జీవిత రాజశేఖర్ ఘాటు స్పందన
- ధోనీ రిటైర్మెంట్పై గంగూలీ వినూత్న స్పందన
- చకచకా ఒలిచేద్దాం దానిమ్మనిలా!
- మీకు ఓట్లు వచ్చాయి..మా ఇళ్లు ఏవి..?
- బోటును ఒడ్డుకు చేర్చిన ధర్మాడికి సన్మానం
- మంజు.. నేను నిజాన్ని బయటపెడతాను: శ్రీకుమార్
- ‘పద్మావత్’కు ఐష్ సరిపోతారు: షాహిద్
- భాజపాలోకి సిద్ధూ.. భార్య క్లారిటీ
- అధిక బరువున్న పోలీసుల వివరాలివ్వండి!
- ‘మహా’ ఫలితాలపై సంజయ్రౌత్ కీలక వ్యాఖ్యలు
ఎక్కువ మంది చదివినవి (Most Read)
