హైదరాబాద్‌: అప్పటివరకు స్నేహితులతో ఆడుకుంటూ ఉన్న బాలుడు విద్యుత్‌ స్తంభాన్ని తాకడంతో ఒక్కసారిగా మృత్యువాత పడ్డాడు. ఈ ఘటన హైదరాబాద్‌ నగర శివారు బండ్లగూడ సమీపంలోని పీబీఈఎల్‌‌ సిటీ అపార్ట్‌మెంట్‌ వద్ద చోటుచేసుకుంది. పీబీఈఎల్‌ సిటీలో చిన్నారులు ఆడుకునేందుకు పార్కును ఏర్పాటు చేశారు. సోమవారం సాయంత్రం పాఠశాల నుంచి వచ్చిన మోనీష్‌ (6) తన స్నేహితులతో కలిసి పార్కులో ఆడుకుంటూ విద్యుత్‌ స్తంభాన్ని పట్టుకున్నాడు. దీంతో విద్యుదాఘాతమై అక్కడికక్కడే మృతి చెందాడు. ఈఘటనకు సంబంధించిన వీడియో బయటకు వచ్చింది. ప్రమాదం జరిగిన సమయంలో కొందరు అక్కడే తిరుగుతున్నా చాలా సేపటి వరకు బాలుడు మృతిచెందిన విషయాన్ని గమనించలేదు. పీఈబీఎల్‌ సిటీ అపార్ట్‌మెంట్‌ నిర్వాహకుల నిర్లక్ష్యంతోనే ఈ ప్రమాదం జరిగిందని స్థానికులు ఆందోళకు దిగారు. మోనీష్‌ మృతదేహాన్ని స్వస్థలం చెన్నైకు తరలించారు.