close

తాజా వార్తలు

కమల్‌హాసన్‌పై చెప్పులు విసిరారు

చెన్నై: ఎన్నికల ప్రచారంలో పాల్గొన్న ప్రముఖ నటుడు, మక్కల్‌ నీది మయ్యం అధ్యక్షుడు కమల్‌ హాసన్‌ను చేదు అనుభవం ఎదురైంది. కమల్‌ ఎన్నికల ర్యాలీలో మాట్లాడుతుండగా కొందరు ఆయనపైకి చెప్పులు విసిరారు. అయితే ఆవి ఆయనకు తగల్లేదు.  హిందూ ఉగ్రవాదం అంటూ ఇటీవల కమల్‌ వివాదాస్పద వ్యాఖ్యలు చేసిన విషయం తెలిసిందే. ఈ నేపథ్యంలో తాజా ఘటన చోటుచేసుకోవడం గమనార్హం. 

కమల్‌ హాసన్‌ బుధవారం మదురై అసెంబ్లీ నియోజకర్గపరిధిలోని తిరుప్పరాన్‌కుంద్రమ్‌లో ఎన్నికల ర్యాలీ చేపట్టారు. వాహనంపై నిల్చుని కమల్‌ ప్రసంగిస్తుండగా కొందరు వ్యక్తులు ఆయనపైకి చెప్పులు విసిరారు. అయితే అవి కమల్‌ వాహనానికి తగిలి కిందపడ్డాయి. ఈ ఘటనపై కమల్‌ అభిమానులు, కార్యకర్తలు తీవ్ర ఆగ్రహం వ్యక్తం చేశారు. మొత్తం 11 మందిపై పోలీసులకు ఫిర్యాదు చేశారు. వీరిలో భాజపా నేతలు, హనుమాన్‌ సేన సభ్యులు కూడా ఉన్నారు. కేసు నమోదు చేసుకున్న పోలీసులు ఇప్పటివరకు ఒకరిని అదుపులోకి తీసుకున్నట్లు తెలిపారు.

‘స్వతంత్ర భారతంలో తొలి ఉగ్రవాది ఓ హిందువు. ఆయన పేరు నాథూరామ్‌ గాడ్సే’ అంటూ కమల్‌ ఇటీవల వ్యాఖ్యానించారు. ఈ వ్యాఖ్యలు తీవ్ర దుమారానికి దారితీశాయి. కమల్‌పై కేసు కూడా నమోదైంది. దీంతో ఆయన మద్రాసు హైకోర్టులో ముందస్తు బెయిల్‌ కోసం దరఖాస్తు చేసుకున్నారు. దీనిపై న్యాయస్థానం నేడు విచారణ జరపనుంది. 


Tags :

క్రైమ్

రాజకీయం

జనరల్‌

సినిమా

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.