close

తాజా వార్తలు

కాళ్లు, చేతులు కట్టేసి కర్రలతో చితక్కొట్టారు!

జైపుర్‌: రాజస్థాన్‌లోని పాలీ జిల్లాలో దారుణ ఘటన చోటు చేసుకుంది. ఓ దళిత యువకుడి కాళ్లు, చేతులు కట్టేసిన కొందరు వ్యక్తులు అతడిని దారుణంగా కర్రలతో చితక్కొట్టారు. ఈ ఘటనకు పాల్పడిన వారిలో ఒకరు కాషాయ దుస్తులు ధరించి ఉన్నాడు. బాధిత దళిత యువకుడు ఓ గుడిలోకి ప్రవేశించడానికి ప్రయత్నించాడని, అందుకే అతడిని దారుణంగా కొట్టారని కొందరు ఆరోపణలు చేస్తున్నారు. మరోవైపు, ఆ యువకుడు ఓ అమ్మాయిని లైంగికంగా వేధిస్తున్నందుకే వారు కొట్టారని వాదనలు వినపడుతున్నాయి. ‘ఆ దళిత యువకుడు ఓ చిన్నారిని లైంగికంగా వేధించాడన్న ఆరోపణలపై అతడిపై పోక్సో చట్టం కింద కేసు నమోదు చేసి దర్యాప్తు చేస్తున్నాం’ అని పోలీసులు మీడియాకు తెలిపారు.

ఆ యువకుడిని కొందరు కట్టేసి కొడుతుండగా తీసిన వీడియో తమ దృష్టికి రాగానే ఆ నిందితులను కూడా అరెస్టు చేశామని పోలీసులు చెప్పారు. కొందరు వ్యక్తులు తన కాళ్లు, చేతులు కట్టేసి కర్రలతో కొడుతుండగా.. తనను వదిలేయాలని ఆ యువకుడు వేడుకుంటూ రోదిస్తున్నట్లు ఈ వీడియోలో కనపడుతోంది. పాలి జిల్లాలోని ధనేరియా గ్రామంలో ఈ ఘటన చోటు చేసుకున్నట్లు తెలుస్తోంది. ఆ గ్రామానికి చెందిన ఓ వ్యక్తి ఈ వీడియో తీసినట్లు సమాచారం. ఈ కేసులో పోలీసులు తదుపరి విచారణను కొనసాగిస్తున్నారు.
 


Tags :

క్రైమ్

రాజకీయం

జనరల్‌

సినిమా

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.