close

తాజా వార్తలు

చోరీ చేసిన పైలట్‌!

న్యూదిల్లీ: ఆస్ట్రేలియాలోని సిడ్నీ విమానాశ్రయంలో ఉన్న ఓ దుకాణంలో చోరీ చేసిన ఆరోపణల కింద ఎయిర్‌ ఇండియా విమానయాన సంస్థ.. తమ సీనియర్‌ పైలట్‌ రోహిత్‌ భాసిన్‌ను సస్పెండ్‌ చేసింది. AI 301 విమాన పైలట్‌గా ఆయన ఉన్నారు. శనివారం ఉదయం 10.45 గంటలకు సిడ్నీ విమానాశ్రయం నుంచి దిల్లీకి ఆ విమానం బయల్దేరాల్సి ఉంది. అంతకు ముందు ఆయన ఈ చోరీ చేశారు. ‘‘కెప్టెన్‌ రోహిత్‌ తూర్పు రీజనల్ డైరెక్టర్‌గా కూడా పనిచేస్తున్నారు. సిడ్నీలోని ఓ దుకాణం నుంచి ఆయన ఓ వాలెట్‌ను చోరీ చేశారని ఆరోపణలు వచ్చాయి. దీనిపై  మా సంస్థ విచారణ ప్రారంభించింది. ఆయనను సస్పెన్షన్‌లో ఉంచింది’’ అని ఆ విమానయాన సంస్థ ప్రతినిధి ఒకరు తెలిపారు.

‘‘AI 301 విమానం బయల్దేరే ముందు మీరు చోరీ చేశారని ఆస్ట్రేలియా ప్రాంతీయ మేనేజర్‌ నుంచి మాకు సమాచారం అందింది. దీనిపై విచారణ జరుపుతున్నాం. దీంతో వెంటనే మిమ్మల్ని సస్పెండ్‌ చేస్తున్నాం’’ అని ఆ పైలట్‌కు ఇచ్చిన నోటీసుల్లో ఎయిర్‌ ఇండియా పేర్కొంది. ‘‘ఎయిర్ ఇండియాలో పనిచేస్తున్న సిబ్బంది ప్రవర్తన సరైన రీతిలో ఉండాలన్న విషయానికి మేము ప్రాధాన్యతనిస్తాం. నేరపూరిత చర్యలకు పాల్పడితే ఉపేక్షించబోము’’ అని ఆ సంస్థ ప్రతినిధి అన్నారు. కాగా, ఇటీవల ఎయిర్‌ ఇండియాకు చెందిన ఓ పైలట్‌.. టిఫిన్‌ బాక్సులో తెచ్చుకున్న ఆహారం తిని.. అనంతరం టిఫిన్‌ బాక్సును కడగాలని  సిబ్బందిని కోరగా గొడవ చెలరేగిన విషయం తెలిసిందే. AI 772 విమానం బెంగళూరు నుంచి కోల్‌కతాకి వెళ్లాల్సి ఉండగా, ఆ గొడవ కారణంగా దాదాపు రెండు గంటలు ఆలస్యంగా విమానం బయలుదేరింది. ఆ పైలట్‌ చర్యను మర్చిపోకముందే ఇదే విమానయాన సంస్థ పైలట్ ఇటువంటి చర్యకు పాల్పడ్డారు. 


Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.