close

తాజా వార్తలు

ఓహో.. గులాబీల నగరమా!

మహా నగరం
బ్లూంఫౌంటేన్‌

నగరం: బ్లూంఫౌంటేన్‌
దేశం: దక్షిణ ఆఫ్రికా
విస్తీర్ణం: 236 చదరపు కిలోమీటర్లు
జనాభా: దాదాపు రెండున్నర లక్షలు

* బ్లూంఫౌంటేన్‌... దక్షిణ ఆఫ్రికా జ్యుడిషియల్‌ రాజధాని. ఈ దేశానికున్న మూడు రాజధాని నగరాల్లో ఇదీ ఒకటి.

* ఈ నగర ప్రజలు ఎక్కువగా ఆంగ్లం, ఆఫ్రికాన్స్‌ భాషలు మాట్లాడుతుంటారు.

* దేశంలో ఆరో అతిపెద్ద నగరం.

* ఈ నగరానికి మంగ్వాంగ్‌, చిరుతల ప్రాంతం అని రకరకాల పేర్లున్నాయి.

* ఈ నగరాన్ని 1846లో ఏర్పాటు చేశారు. 1910 నుంచి ఇది దేశ రాజధానుల్లో ఒకటిగా మారింది.

* ఫుడ్‌, ఫర్నిచర్‌, గ్లాస్‌ పరిశ్రమలు ఎక్కువ. వ్యవసాయం, మైనింగ్‌కి ప్రధాన కేంద్రం ఈ నగరం.

* ఇక్కడి ఆర్కిడ్‌ హౌస్‌ భలేగా ఉంటుంది. వేలాది రకాల ఆర్కిడ్‌ పూల మొక్కలుంటాయి.

* ఇక్కడి నేషనల్‌ ఉమెన్స్‌ మెమోరియల్‌ ప్రత్యేక ఆకర్షణ. రెండో బూర్‌ యుద్ధంలో మరణించిన 27 వేల మందికి గుర్తుగా దీన్ని 1913లో ఏర్పాటు చేశారు. మహిళలు, చిన్నారులకు అంకితమిస్తూ నిర్మించారు. మహిళల మొదటి స్మారకస్థూపం ఇది.

* ఇక్కడి అగ్నిమాపక ప్రదర్శనశాల మంచి పర్యటక ప్రాంతం. పాత తరం నాటి ఫైర్‌ ఇంజిన్లు, పరికరాలు, ఫొటోలు ఉంటాయిక్కడ.

* ఈ నగరానికి దగ్గర్లో ‘చీతా ఎక్స్‌పీరియన్స్‌ కన్జర్వేషన్‌ సెంటర్‌’ ఉంటుంది. ఇందులో పులులు, సింహాలు, చిరుతలూ ఉంటాయి. ఎంచక్కా వాటిని దగ్గర్నించి చూడొచ్చు. ఫొటోలూ దిగొచ్చు.

* బ్లూంఫౌంటేన్‌ అనే పేరుకు డచ్‌లో ఫౌంటేన్‌ ఆఫ్‌ ఫ్లవర్స్‌ అని అర్థం. సరదాగా ‘ద సిటీ ఆఫ్‌ రోజెస్‌’ అని పిలుస్తుంటారు. ఇక్కడ గులాబీ తోటలు చాలా ఎక్కువ. ఏటా రోజ్‌ ఫెస్టివల్‌ భారీ ఎత్తున జరుగుతుంది. 1976 నుంచి నిర్వహిస్తున్న ఈ వేడుకలో వేలాది గులాబీ పూల ప్రదర్శనతో పాటు రకరకాల పోటీలు పెడుతుంటారు. ఫ్లవర్‌ వాక్‌లూ ఉంటాయి.


Tags :

స్పోర్ట్స్

రాజకీయం

జనరల్‌

సినిమా

క్రైమ్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.