close

తాజా వార్తలు

ఒకే కుటుంబంలోని ఏడుగురిపై కాల్పులు

కాబూల్‌: అఫ్గానిస్థాన్‌లో దారుణ ఘటన చోటు చేసుకుంది. ఆ దేశ రాజధాని కాబూల్‌లో సోమవారం తెల్లవారు జామున ఓ ఇంట్లోకి ప్రవేశించిన దుండగుడు ఆ కుటుంబంలోని ఏడుగురిపై కాల్పులు జరిపి, వారి ప్రాణాలను తీశాడు. మృతి చెందిన వారిలో ముగ్గురు మహిళలు, ఇద్దరు చిన్నారులు కూడా ఉన్నారని సోమవారం అధికారులు మీడియాకు తెలిపారు. కాబూల్‌లోని కర్త్‌ ఎ సాఖి ప్రాంతంలో ఈ దారుణ ఘటన చోటు చేసుకుందని వివరించారు. ఈ ఘటనపై విచారణ జరుపుతున్నామని తెలిపారు.

ఈ ఘటనపై బాధితుల బంధువులు ఇచ్చిన సమాచారం మేరకు కేసు నమోదు చేసుకున్నామని పోలీసులు వెల్లడించారు. ఆ కుటుంబానికి కొందరితో భూ వివాదాలు ఉన్నాయని పోలీసులు తెలుసుకున్నారు. అయితే, వీరి హత్యలకు ఈ విభేదాలే కారణమా? అన్న విషయం గురించి తెలియరాలేదని పేర్కొన్నారు. అలాగే, ఆ ఇంట్లో ఎటువంటి చోరీ జరగలేదని తెలిపారు. ఉగ్రదాడులతో భయం గుప్పిట ప్రజలు జీవనం సాగిస్తున్న అఫ్గాన్‌ ప్రజలకు మరో తీవ్ర సమస్యను కూడా ఎదుర్కొంటున్నారు. భూ వివాదాల వల్ల ఆ దేశంలో తరుచూ ఇటువంటి హింసాత్మక ఘటనలు చోటు చేసుకుంటున్నాయి.  


Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.