హైదరాబాద్‌: తెలంగాణ కాంగ్రెస్‌ ఎమ్మెల్యేలు, ముఖ్యనేతలకు కాంగ్రెస్‌ అధిష్ఠానం నుంచి పిలుపొచ్చింది. 17 మంది ఎమ్మెల్యేలు, నేతలు రేపు దిల్లీ వెళ్లనున్నారు. ఉదయం 11 గంటల తర్వాత కాంగ్రెస్‌ అధ్యక్షుడు రాహుల్‌గాంధీతో నేతలంతా సమావేశం కానున్నారు. టీపీసీసీ అధ్యక్షుడు ఉత్తమ్‌కుమార్‌రెడ్డి, సీఎల్పీ నేత భట్టి విక్రమార్క, ఎమ్మెల్యేలతో పాటు పీసీసీ కోశాధికారి గూడూరు నారాయణ తదితరులు రాహుల్‌తో భేటీ కానున్నారు. మరోవైపు ఈనెల 9న అన్ని రాష్ట్రాల పీసీసీ అధ్యక్షులతో రాహుల్‌గాంధీ సమావేశం అవుతారు. రానున్న సార్వత్రిక ఎన్నికల్లో అనుసరించాల్సిన వ్యూహాలు, రాష్ట్రాల్లో పార్టీ పరిస్థితిపై నేతలతో రాహుల్‌ చర్చించే అవకాశముంది.