close

తాజా వార్తలు

చెత్తలో దొరికిన శునకం.. సినిమా స్టారైంది!

లాస్‌ఏంజెల్స్‌: సినీ రంగంలో ఉన్నత స్థానానికి చేరేందుకు నటీనటులు ఎన్నో కష్టాలు పడుతుంటారు. అందులో కొందరే ఆ స్థానానికి చేరుకుంటారు. కానీ చెత్త కుప్పలో దొరికిన ఓ శునకం సడన్‌గా స్టారైపోయింది. పై ఫొటోలో కనిపిస్తున్న శునకానికి అదే ఫ్లాష్‌బ్యాక్‌ ఉంది. దీని పేరు షెల్బై. టెన్నెసే ప్రాంతానికి 25 మైళ్ల దూరంలో ఉన్న ఓ శివారు ప్రాంతంలో మేగన్‌ అనే యానిమల్‌ కంట్రోల్‌ అధికారికి ఇది దొరికింది. ఆమె అటుగా కారులో వెళుతుండగా చెత్తకుప్పలో షెల్బై కనిపించింది.

ఆ ప్రాంతంలో వాహనాలు మితిమీరిన వేగంతో వెళుతుండడంతో ఆ శునకాన్ని తనతో పాటు యానిమల్‌ షెల్టర్‌కు తీసుకెళ్లాలనుకుంది మేగన్‌. ఈ నేపథ్యంలో కేథరిన్‌, బ్రూస్‌ కెమెరాన్‌ అనే ఇద్దరు హాలీవుడ్‌ రచయితలు శునకానికి సంబంధించిన ఓ సినిమా తీయాలన్న ఉద్దేశంతో ఉన్నారు. కథను కూడా సిద్ధం చేసుకున్నారు. కానీ సినిమాకు సరిపోయే శునకం వారికి దొరక్క వెతికే పనిలో పడ్డారు. ఈ నేపథ్యంలో యానిమల్‌ షెల్టర్‌లో ఉన్న షెల్బై గురించి ఆ రచయితలకు తెలిసింది.

దాంతో షెల్బైను ప్రధాన పాత్రలో పెట్టి ఓ సినిమా తీయాలని నిర్ణయించుకున్నారు. ఇందుకోసం ట్రైనర్లను నియమించి దానికి శిక్షణ కూడా ఇప్పించారు. అలా ‘ఎ డాగ్స్‌ వే హోమ్’ టైటిల్‌తో సినిమాను తెరకెక్కించారు. ఇందులో షెల్బై పాత్ర పేరు బెల్లా. ఈ ఏడాది జనవరి 11న ఈ చిత్రం ప్రేక్షకుల ముందుకు వచ్చింది. ఇందులో బెల్లా పాత్రలో నటించిన షెల్బైకు ప్రేక్షకులు ఫిదా అయిపోయారు. సినిమా విమర్శకుల ప్రశంసలు సైతం అందుకుంది. ఇప్పుడు ఈ శునకాన్ని వివిధ ఆస్పత్రుల్లో, వృద్ధాశ్రమాల్లో థెరపిస్ట్‌గానూ ఉపయోగించుకుంటున్నారు.


Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.