close

తాజా వార్తలు

మన్మోహన్ కోసం దిగ్విజయ్‌ రాజీనామా

దిల్లీ: కాంగ్రెస్‌ సీనియర్‌ నేత, మాజీ ప్రధాని మన్మోహన్‌ సింగ్‌ను ఆర్థిక వ్యవహారాల పార్లమెంటరీ స్టాండింగ్‌ కమిటీకి నామినేట్‌ చేశారు. ఇప్పటివరకు ఈ పదవిలో కాంగ్రెస్‌ నేత దిగ్విజయ్‌ సింగ్‌ కొనసాగగా.. మన్మోహన్‌ సింగ్‌ కోసం ఆయన రాజీనామా చేసినట్లు అధికార వర్గాలు వెల్లడించాయి. 

మాజీ ప్రధాని, ఆర్థిక శాఖ మాజీ మంత్రి అయిన మన్మోహన్‌ సింగ్‌.. 2014 సెప్టెంబరు నుంచి ఈ కమిటీలో సభ్యులుగా ఉన్నారు. అయితే ఈ ఏడాది జూన్‌లో ఆయన రాజ్యసభ పదవి కాలం ముగియడంతో 2019 మే నెలలో కమిటీ బాధ్యతల నుంచి తప్పుకున్నారు. అనంతరం ఆ స్థానంలో కాంగ్రెస్‌ సీనియర్‌ నేత దిగ్విజయ్‌ సింగ్‌ను నామినేట్‌ చేశారు. ఇటీవల మన్మోహన్‌ సింగ్‌ రాజస్థాన్‌ నుంచి మరోసారి రాజ్యసభకు ఎంపికైన విషయం తెలిసిందే. దీంతో మన్మోహన్‌ కోసం దిగ్విజయ్‌ పార్లమెంటరీ స్టాండింగ్‌ కమిటీకి రాజీనామా చేశారు. 

ఈ నేపథ్యంలో దిగ్విజయ్‌ స్థానంలో మన్మోహన్‌ సింగ్‌ను ఆర్థిక వ్యవహారాల పార్లమెంటరీ స్టాండింగ్ కమిటీకి రాజ్యసభ ఛైర్మన్‌ వెంకయ్యనాయుడు నామినేట్‌ చేశారు. దిగ్విజయ్‌ను పట్టణాభివృద్ధి వ్యవహారాల పార్లమెంటరీ కమిటీకి నామినేట్‌ చేసినట్లు రాజ్యసభ బులిటెన్‌ వెల్లడించింది.


Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.