అమరావతి: గన్నవరం ఎమ్మెల్యే వల్లభనేని వంశీని తెదేపా నుంచి సస్పెండ్‌ చేశారు. ఈ మేరకు పార్టీ అధినేత చంద్రబాబు నిర్ణయం తీసుకున్నారు. షోకాజ్‌ నోటీసు ద్వారా వంశీ వివరణ కోరనున్నారు. గురువారం వంశీ మీడియా సమావేశం నిర్వహించిన త్వరలో వైకాపాలో చేరనున్నట్లు ప్రకటించారు. ఈ సందర్భంగా తెదేపా అధినేత చంద్రబాబు, జాతీయ ప్రధాన కార్యదర్శి నారా లోకేశ్‌పై ఆయన తీవ్ర విమర్శలు చేశారు. వైకాపా ప్రభుత్వానికి తాను బేషరతు మద్దతు ఇస్తానని, సీఎం జగన్‌ చేస్తున్న మంచి పనులకు అండగా ఉంటానని చెప్పారు. ఈ నేపథ్యంలో వంశీని పార్టీ నుంచి సస్పెండ్‌ చేస్తూ అధినాయకత్వం నిర్ణయం తీసుకుంది.