దిల్లీ: కేంద్ర స్త్రీ, శిశు సంక్షేమ శాఖ మంత్రిగా స్మృతి ఇరానీ సోమవారం బాధ్యతలు చేపట్టారు. లోక్‌ సభ ఎన్నికల్లో కీలక అమేఠీ నుంచి గెలుపొందిన స్మృతికి మోదీ ప్రభుత్వంలో కీలక బాధ్యతలే కేటాయించారు. నరేంద్ర మోదీ తొలి ప్రభుత్వంలోనూ స్మృతికి కీలక శాఖలను అప్పజెప్పారు. మానవ వనరుల అభివృద్ధి శాఖ, సమాచార, ప్రసార మంత్రిత్వ శాఖతో పాటు జౌళి పరిశ్రమ శాఖను అప్పజెప్పారు.

భాజపా సీనియర్‌ నేత రవిశంకర్ ప్రసాద్‌ సైతం న్యాయ శాఖ, సాధికారత మంత్రిగా సోమవారం బాధ్యతలు చేపట్టారు. సార్వత్రిక ఎన్నికల్లో ఈయన బిహార్‌లోని పట్నా సాహిబ్‌ నుంచి పోటీ చేసి గెలుపొందిన విషయం తెలిసిందే. భాజపా సీనియర్‌ నేత వీకే సింగ్‌ సైతం రవాణా శాఖ సహాయ మంత్రిగా బాధ్యతలు తీసుకున్నారు.