close

తాజా వార్తలు

హైదరాబాద్‌ దూసుకెళ్తోంది: కేటీఆర్‌

వరల్డ్‌ డిజైన్‌ అసెంబ్లీ కార్యక్రమంలో పాల్గొన్న మంత్రి

హైదరాబాద్‌: ప్రపంచ డిజైన్‌ రంగానికి హైదరాబాద్‌ కేంద్రం కాబోతోందని పరిశ్రమల శాఖ మంత్రి కేటీఆర్‌ స్పష్టం చేశారు. హెచ్‌ఐసీసీలో నిర్వహించిన వరల్డ్‌ డిజైన్‌ అసెంబ్లీ కార్యక్రమంలో మంత్రి పువ్వాడ అజయ్‌కుమార్‌తో కలిసి ఆయన పాల్గొన్నారు. ఈ సందర్భంగా మాట్లాడుతూ.. హస్త కళలు, టూరిజం, ఫ్యాషన్‌, యానిమేషన్‌ తదితర రంగాల్లో హైదరాబాద్‌ శరవేగంగా అభివృద్ధి చెందుతోందని పేర్కొన్నారు. ఔత్సాహికులను ప్రోత్సహించడం కోసం వివిధ సంస్థలతో కలిసి ఎన్నో కార్యక్రమాలు చేపడుతున్నామని కేటీఆర్‌ అన్నారు. ఈ కార్యక్రమం ద్వారా తమ ప్రగతిని ప్రపంచానికి చాటే అవకాశం ఏర్పడిందని సంతోషం వ్యక్తం చేశారు.

‘ వినూత్న ప్రాజెక్టుల హబ్‌గా హైదరాబాద్‌ అభివృద్ధి చెందుతోంది. అంతర్జాతీయ వేదికలపై రాష్ట్ర డిజైనింగ్‌ నైపుణ్యాలను తెలియజేయాలని ప్రయత్నిస్తున్నాం. ఈ కార్యక్రమంలో ప్రదర్శించిన అనేక అంశాలు.. డిజైనింగ్‌ ప్రాముఖ్యాన్ని చాటుతూ నగరంలో చిరకాలం నిలిచిపోయేలా రూపొందించాం. హైదరాబాద్‌ డిజైన్‌ వీక్‌లో సీఐఐ వంటి సంస్థలతో కలిసి యువత నుంచి వినూత్న ఆలోచనలు సేకరించాం. ప్రపంచ డిజైన్‌ రంగంతో హైదరాబాద్‌ కలిసేందుకు ఈ సదస్సు ఉపయోగపడుతుంది. డిజైన్‌ రంగంలో అవకాశాల కల్పన ద్వారా సత్ఫలితాలు సాధించడానికి ఇది ఉత్ప్రేరకంగా ఉపయోగపడుతుందని భావిస్తున్నాం. హైదరాబాద్‌ను గ్లోబల్‌ డిజైన్‌ డెస్టినేషన్‌గా మార్చడంలో అందరి సహకారం కోరుతున్నాం.’’ అని కేటీఆర్‌ అన్నారు.



Tags :

జనరల్‌

రాజకీయం

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.