close

తాజా వార్తలు

కంట తడి పెట్టిన తహసీల్దారు..!

● రైతు భరోసా అందలేదని ‘స్పందన’లో నిలదీసిన రైతులు

● తహసీల్దారును ఓదార్చిన స్పీకర్‌ తమ్మినేని సీతారాం తనయుడు


తహసీల్దార్‌ రామకృష్ణను ఓదారుస్తున్న స్పీకర్‌ తమ్మినేని సీతారాం తనయుడు వెంకట చిరంజీవినాగ్‌

ఆమదాలవలస గ్రామీణం, న్యూస్‌టుడే: సాక్షాత్తు ఓ మండల తహసీల్దారు స్పీకర్‌ తమ్మినేని సీతారాం పాల్గొన్న స్పందన కార్యక్రమంలో కంట తడి పెట్టిన వైనమిది. రైతు భరోసా పథకం తమకు అందకపోవడానికి మీరే కారణమంటూ పలువురు రైతులు ఆయనను నిలదీయడంతో ఈ పరిస్థితి తలెత్తింది. సంఘటన వివరాల్లోకి వెళ్తే.. గురువారం ఆమదాలవలసలోని పూజారిపేటలో రాష్ట్ర శాసనసభ స్పీకర్‌ కార్యాలయంలో అధికారులు నిర్వహించిన స్పందన కార్యక్రమంలో నియోజవర్గంలోని మండలాల అధికారులు పాల్గొని ఆయా మండలాల ప్రజల నుంచి వినతులను స్వీకరించారు. ఈ సందర్భంగా పొందూరు మండలంలోని కింతలికి చెందిన 70 మంది రైతులు పాల్గొని తమకు రైతు భరోసా అందలేదని మండల తహసీల్దారు టి.రామకృష్ణను నిలదీశారు. ఇలా తిప్పడం వల్లనే రైతులు విసిగి అధికారులపై దాడులు చేస్తున్నారని మండిపడ్డారు. దీంతో తహసీల్దార్‌ రామకృష్ణ అక్కడి నుంచి స్పీకర్‌ తనయుడు వెంకట చిరంజీవినాగ్‌ వద్దకు వెళ్లి ఈ విషయమై మొరపెట్టుకొని కంటతడి పెట్టారు. దీంతో ఆయన రైతులను తన వద్దకు పిలిపించుకొని అధికారులపై మీరు అలా మాట్లాడరాదని వారిని మందలించారు. స్పీకర్‌ మీ సమస్యపై ఇదివరకే తహసీల్దార్‌తో మాట్లాడారని, ఆయన పరిష్కరిస్తామని తెలియజేశారని, ఆయన అడిగిన పత్రాలను మీరు తీసుకొని వెళ్లకపోతే ఎలా అని ప్రశ్నించారు. దీంతో రైతులు తహసీల్దార్‌కు క్షమాపణ చెప్పడంతో ఆయన శాంతించారు. రైతులు తగిన పత్రాలతో వస్తే తక్షణమే సమస్యను పరిష్కరించేందుకు సిద్ధంగా ఉన్నామని తహసీల్దారు వారితో తెలిపారు.



Tags :

జనరల్‌

రాజకీయం

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు
ఛాంపియన్

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.