విశాఖపట్నం: విశాఖ బీచ్ రోడ్డులో ‘వైజాగ్ నేవీ మారథాన్’ ఘనంగా  ప్రారంభమైంది. 42 కిలోమీటర్ల ఫుల్ మారథాన్, 21 కిలో మీటర్లు ఆఫ్ మారథాన్, 10 కి.మీ, 5 కి.మీ నాలుగు విభాగాల్లో ఈ మారథాన్ నిర్వహిస్తున్నారు. ఫుల్ మారథాన్ 42 కిలోమీటర్లు పరుగును ఐఎన్ఎస్ కళింగ ప్రధానాధికారి కమాండర్‌  రాజేష్ దేవనాథ్ జెండా ఊపి ప్రారంభించారు. ఈ మారథాన్ లో విజేతలకు మొదటి బహుమతిగా రూ.75 వేలు, రెండో బహుమతి రూ.50 వేలు  మూడో బహుమతి రూ.25 వేలు అందజేయనున్నారు. ఈ మారథాన్‌లో రాష్ట్ర నలుమూలల నుంచి 18 వేల మంది క్రీడా కారులు, నేవీ సిబ్బంది, పోలీసులు పాల్గొన్నారు.