బడ్జెట్‌ ప్రసంగంలో వెల్లడించిన ఆర్థిక మంత్రి నిర్మలా సీతారామన్‌

దిల్లీ: దేశవ్యాప్తంగా ఉద్యోగ కల్పనలో ఎలాంటి ప్రగతి లేదంటూ ఒకవైపు ప్రతిపక్షాలు విరుచుకుపడుతుంటే.. మరోవైపు కేంద్ర ప్రభుత్వ సంస్థల్లో గత రెండేళ్లలో దాదాపు 3.81 లక్షల ఉద్యోగాలు భర్తీ చేసినట్లు కేంద్ర ఆర్థిక మంత్రి నిర్మలా సీతారామన్‌ బడ్జెట్‌ ప్రసంగంలో భాగంగా వెల్లడించారు. కేంద్ర ప్రభుత్వ సంస్థల్లో విధులు నిర్వహిస్తున్న ఉద్యోగుల సంఖ్య 2017 మార్చి 1 నాటికి 32,38,397గా ఉండగా.. ఇదే సంఖ్య 2019 మార్చి 1 నాటికి 3,81,199 కొత్త ఉద్యోగాలతో 36,19,596కి చేరినట్లు సీతారామన్‌ పేర్కొన్నారు. అయితే గత అయిదేళ్ల భాజపా పాలనలో దేశంలో నిరుద్యోగం మరింతగా పెరిగిపోయిందని అప్పటికే కాంగ్రెస్‌, ఇతర ప్రతిపక్షాలు భాజపాపై విరుచుపడుతూనే ఉన్నాయి. ఈ మేరకు 2017-18, 2018-19 ఆర్థిక సంవత్సరాల్లో కేంద్ర ప్రభుత్వ సంస్థల్లోని వివిధ శాఖల్లో భర్తీ చేసిన కొత్త ఉద్యోగాల వివరాలను బడ్జెట్‌ ప్రసంగంలో భాగంగా సీతారామన్‌ వెల్లడించారు.

శాఖల వారీగా వివరాలు ఇలా ఉన్నాయి..