దిల్లీ: దిల్లీలో అఖిలపక్ష సమావేశం ప్రారంభమైంది. పార్లమెంటు లైబ్రరీ భవనంలో ఈ సమావేశం జరుగుతోంది. దీనికి కేంద్ర మంత్రి హోంమంత్రి సహా పలువురు కేంద్ర మంత్రులు, పలు పార్టీల ఎంపీలు హాజరయ్యారు. రేపటి నుంచి శీతాకాల పార్లమెంటు సమావేశాలు ప్రారంభం కానున్న నేపథ్యంలో సభ నిర్వహణపై ఈ భేటీలో చర్చిస్తున్నారు. అలాగే సమావేశాల్లో చర్చించాల్సిన అంశాలపై పార్లమెంటరీ వ్యవహారాల శాఖ మంత్రి ప్రహ్లాద్‌ జోషి పార్టీల అభిప్రాయాలు తీసుకోనున్నారు. ప్రభుత్వ ప్రాధాన్య అంశాలను పార్టీలకు వివరించనున్నారు. ఈ సమావేశంలో తెలుగు రాష్ట్రాల ఎంపీలు విజయసాయి రెడ్డి, గల్లా జయదేవ్‌, కె.కేశవరావు పాల్గొన్నారు.