close

తాజా వార్తలు

మేడంత మొక్క!

మేడంత మొక్క!కొన్ని ఎడారి మొక్కలున్నాయి...వాటికి పండ్లు కాస్తాయి...వాటిని తింటార్ట కూడానూ...పైగా అన్నింటికీ మించినప్రత్యేకత ఇంకోటుంది...ఏంటో.. ఏమో..చదివేస్తే పోలా! 
ఎడారి మొక్కంటే ముళ్లతో, దళసరి ఆకులతో, చిన్నగా ఉన్న వాటినే మనం చూస్తుంటాం. మరేమో ఓ రకం ఎడారి మొక్క చాలా చిత్రమైనది. వాటి జాతి ప్రపంచంలోనే అతి ఎత్తయిన ఎడారి మొక్కల జాతట. 

* దాని పేరేంటంటే సాగువారోస్‌. పాచెయ్‌సెరుస్‌ ప్రింగ్లి, మెక్సికన్‌ జెయింట్‌ కార్డన్‌, ఎలిఫెంట్‌ కాక్టస్‌, కార్డన్‌.. లాంటి పేర్లూ ఉన్నాయి. 
* అమెరికా, మెక్సికో పరిసర ప్రాంతాలు దీని పుట్టిళ్లు. ఉత్తర, దక్షిణ అమెరికాల్లో ఎక్కువగా కనిపిస్తుంది. ప్రపంచ వ్యాప్తంగా పొడి నేలల్లో అక్కడక్కడా పెరుగుతుంది. 
* ఇది దాదాపుగా నాలుగంతస్తుల భవనం అంత ఎత్తు ఎదుగుతుంది. రెండు వందల నుంచి మూడు వందల ఏళ్లు బతుకుతుంది. 
* వీటిల్లో మనం కొలిచిన అతి పొడవైన మొక్క 63 అడుగుల పొడవుంది. ఆరంతస్తుల భవనంకంటే ఎత్తన్నమాటే. మామూలుగా అయితే ఏమోగానీ కాక్టస్‌ జాతి మొక్క ఇంత పొడుగవ్వడం నిజంగా చిత్రమే. 
* దీనికి ముందు పొడవాటి స్తంభం ఎదిగాక చెట్టులా విస్తరిస్తుంది. చూసేందుకు గమ్మత్తయిన చిక్కని ఎడారి చెట్టులా కనిపిస్తుంది. కొన్నయితే పెద్దగా కొమ్మలు రాకుండానే నిటారుగా పైకెదిగిపోతాయి. 
* అన్ని ఎడారి మొక్కల్లాగే దీనికి పువ్వులు పూస్తాయి. అవి కాయలూ అవుతాయి. పైగా అవి మనం తినడానికీ పనికి వస్తాయిట. మెక్సికోలో ఉండే కొన్ని తెగల ప్రజలు వీటిని తింటుంటారు. వీటిలో పోషక విలువలు సైతం ఎక్కువగా ఉంటాయిట. 
* ఈ చెట్టు వేళ్లు.. ఓ రకమైన బ్యాక్టీరియా, ఫంగస్‌లకు ఆశ్రయం కల్పిస్తాయి. దీంతో ఇది అసలు నేల లేని రాతి మీదా పెరిగేయగలదు. ఎందుకంటే ఇది ఆశ్రయం ఇచ్చే బ్యాక్టీరియాలు గాలిలోంచే నైట్రోజన్‌, ఖనిజాల్ని పీల్చుకుని 
ఇది పెరగడానికి సహకరిస్తాయి.


Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు
సినిమా

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.