ఇల్లెందు: ప్రజాస్వామ్యంలో ఓటు వజ్రాయుధమని తహసీల్దార్‌ చంద్రశేఖర్‌, డీఎస్పీ ప్రకాశ్‌ రావు పేర్కొన్నారు. పట్టణంలో సోమవారం ఖఈనాడు ఈటీవీ’ ఆధ్వర్యంలో ఓటరు చైతన్య ప్రదర్శన నిర్వహించారు. ఈ ప్రదర్శనను వారు ప్రారంభించి మాట్లాడారు. ఈ ప్రదర్శన పట్టణంలోని జగదాంబ సెంటర్‌ నుంచి వందలాది మంది విద్యార్థులతో బుగ్గవాగు కూడలికి చేరింది. అక్కడ విద్యార్థులు, అధికారులు ఓటరు ప్రతిజ్ఞ చేశారు. ఓటు హక్కును అంతా నిర్భయంగా వినియోగించుకోవాలని అధికారులు సూచించారు. కార్యక్రమంలో కళాశాలల, పాఠశాలల విద్యార్థులు, అధ్యాపకులు, ఉపాధ్యాయులు పాల్గొన్నారు.