ఫన్నీగా ‘టోటల్‌ ధమాల్’ ట్రైలర్‌

ముంబయి: బాలీవుడ్‌ అగ్ర నటులు అజయ్‌ దేవగణ్‌, అనిల్‌ కపూర్‌, మాధురీ దీక్షిత్‌, జానీ లివర్‌, రితేశ్‌ దేశ్‌ముఖ్‌ ప్రధాన పాత్రల్లో నటిస్తున్న  చిత్రం ‘టోటల్‌ ధమాల్‌’. ఇంద్ర కుమార్‌ ఈ చిత్రానికి దర్శకత్వం వహిస్తున్నారు. 2011లో వచ్చిన ‘డబుల్‌ ధమాల్‌’కు ఈ చిత్రం సీక్వెల్‌గా రాబోతోంది. ఈ చిత్ర ట్రైలర్‌ను ఈరోజు విడుదల చేశారు. జనక్‌పూర్‌ ప్రాంతంలో రూ.50 కోట్లకు సంబంధించిన ఓ రహస్యం ఉందని ఓ వ్యక్తి అంటున్న డైలాగ్‌తో ట్రైలర్‌ మొదలైంది.

ఇక ఆ రూ.50 కోట్ల కోసం ఎవరికి వారు ప్లాన్లు వేసుకుంటూ ఉంటారు. ఈ నేపథ్యంలో జనక్‌పూర్‌కు చేరుకునే క్రమంలో పలు మృగాలు ఈ గ్యాంగ్‌ను వెంబడిస్తుంటాయి. మొత్తానికి ఆ రూ.50 కోట్లు ఎవరికి దక్కాయన్నదే కథ. ‘నేనెంత ఎదవనో వారికి తెలీదు’ అని అనిల్‌ కపూర్‌ అంటే.. ఇందుకు మాధురి.. ‘నాకు తెలుసు’ అనడం ఫన్నీగా ఉంది. వైల్డెస్ట్‌ అడ్వెంచర్‌ కామెడీగా ఈ చిత్రాన్ని తెరకెక్కించారు. ఫాక్స్‌ స్టార్‌ స్టూడియోస్‌, అజయ్‌ దేవగణ్‌ ఫిలింస్‌, మారుతి మల్టీనేషనల్‌ సంయుక్తంగా ఈ చిత్రాన్ని నిర్మిస్తున్నాయి. హిమేశ్‌ రేషమ్మియా సంగీతం అందించారు. ఫిబ్రవరి 22న ఈ చిత్రం ప్రపంచవ్యాప్తంగా ప్రేక్షకుల ముందుకు రానుంది.