దుస్తుల భద్రత విషయంలో ఎన్నో జాగ్రత్తలు తీసుకునే మనం... బ్రాలను నిర్లక్ష్యం చేస్తాం. నచ్చినట్లు ఉతికేసి, వాడేస్తుంటాం. అదే వద్ధు ఇలా చేసి చూడండి. ఎక్కువకాలం మన్నుతాయి. 

* బ్రాలను వేసుకున్న మర్నాడే ఉతకాలని లేదు. కనీసం రెండు లేదా మూడుసార్లు వేసుకున్నాకే ఉతకాలి. త్వరగా సాగిపోకుండా ఉంటాయి.

* వీటిని వాషింగ్‌మెషీన్‌లో వేస్తోంటే... ఇతర దుస్తులతోపాటు వేయడం కన్నా విడిగా ఉతకాలి. కుదిరితే చిన్న గలేబు లేదా రుమాల్లాంటిదాంట్లో అన్నింటినీ తీసుకుని మూటలా కట్టి వాషింగ్‌మెషీన్‌లో వేయాలి.

* బ్రాలను పిండకూడదు. ఇతర దుస్తుల్లా వేలాడదీయకూడదు. పరిచినట్లు ఆరేయడం మంచిది. లేదంటే వాటి పట్టీలు సాగిపోయినట్లు అవుతాయి.

* ఆరాక కూడా బీరువాలో ఓ పక్కన ఉంచేయకుండా... హక్కుల్ని కలిపి, మడతపెట్టండి.