కాలంతో సంబంధం లేకుండా... ఇప్పుడు అందరినీ డీహైడ్రేషన్‌ సమస్య వేధిస్తోంది. అలాంటివారు ఈ పదార్థాలు తీసుకోవడం మంచిది.
కీరా: నీటి శాతం అధికంగా ఉండే కీరదోస ఎంత ఎక్కువ తింటే అంత మంచిది. ఇది శరీరంలో వేడిని బయటకు పంపేసి చల్లగా మారుస్తుంది. ఎవరైనా దీన్ని తీసుకోవచ్చు. దీన్ని గుండ్రంగా కోసి కళ్ల మీద పెట్టుకుంటే చల్లగా ఉంటుంది. శరీరంలో వేడీ తగ్గుతుంది.
ముల్లంగి: విటమిన్‌ సి, నీటి శాతం అధికంగా ఉన్న ముల్లంగిని కూరల్లో భాగం చేసుకుంటే... డీహైడ్రేషన్‌ సమస్య తగ్గుతుంది.
సొరకాయ-బీరకాయ: శరీరంలో నీటి నిల్వలు కోల్పోకుండా చేస్తాయివి. జ్వరంతో బాధపడుతున్నప్పుడు, గర్భిణులకు ఈ ఆహారాన్ని ఎక్కువగా ఇస్తుంటారు. వీటిల్లో ఉండే పీచు జీర్ణ వ్యవస్థ పనితీరుని మెరుగుపరుస్తుంది. ముఖ్యంగా బీరకాయలో సి విటమిన్‌, జింక్‌, థయామిన్‌ వంటి పోషకాలు ఉంటాయి.