close

తమన్నా

Facebook Share Twitter Share WhatsApp Share Telegram Share
1/21

తెలుగు వారికి దగ్గరైన మిల్కీబ్యూటీ తమన్నా తొలి సినిమా ‘శ్రీ’ (2005). మంచు మనోజ్‌ కథానాయకుడిగా నటించిన ఈ సినిమా ఆశించిన విజయం‌ అందుకోలేకపోయింది.

2/21

2007లో ‘హ్యాపీడేస్‌’తో తెలుగులో బ్రేక్‌ అందుకున్నారు. ‘కొంచెం ఇష్టం కొంచెం కష్టం’, ‘100% లవ్‌’, ‘రచ్చ’, ‘బాహుబలి’ తదితర సినిమాలతో స్టార్‌గా ఎదిగారు.

3/21

కేవలం తెలుగులోనే కాకుండా తమిళం, హిందీ భాషా చిత్రాల్లోనూ తమన్నా నటిస్తున్నారు. అక్కడ కూడా అభిమానుల్ని సంపాదించుకున్నారు.

4/21

తమన్నా తెలుగులో సత్యదేవ్‌తో ‘గుర్తుందా సీతాకాలం’, గోపీచంద్‌తో ‘సీటీమార్‌’, ‘ఎఫ్‌3’ సినిమాల్లో నటిస్తోంది. అంధాధున్‌ తెలుగు రీమేక్‌లోనూ కీలక పాత్ర పోషిస్తోంది. ఇటీవల ఆమె నటించిన వెబ్‌ సిరీస్‌ ‘11 అవర్‌’తో ఆహా వేదికగా స్ట్రీమింగ్‌ అవుతోంది.

5/21

సంతోష్ భాటియా, రజనీ దంపతులకు 1989 డిసెంబర్‌ 21న తమన్నా జన్మించారు. ఆమె తండ్రి వజ్రాల వ్యాపారవేత్త.

6/21

2005లో బాలీవుడ్‌ చిత్రం ‘చాంద్‌ సా రోషన్ చెహ్రా’తో హీరోయిన్‌గా మొదటిసారి వెండితెరకు పరిచయమైన తమన్నా.. అదే ఏడాది ‘శ్రీ’తో తెలుగులోకి ఎంట్రీ ఇచ్చారు.

7/21

ఇండియన్‌ ఐడిల్‌-1 విజేత అభిజీత్‌ సావంత్‌తో కలిసి ఓ ఆల్బమ్‌లో తమన్నా ఆడిపాడారు. 2005లోనే ఇది విడుదలయ్యింది.

8/21

2006లో విడుదలైన ‘కేడీ’తో కోలీవుడ్‌లోకి అడుగుపెట్టిన తమన్నా. తన నటనతో ప్రేక్షకుల్ని ఆకట్టుకున్నారు. ఇలియానా కథానాయికగా నటించిన ఈ సినిమాలో తమన్నా ప్రతినాయిక లక్షణాలు ఉన్న పాత్రలో నటించారు.

9/21

‘‘కథానాయికగా నేను అన్నిరకాల దుస్తులను ధరించాల్సి వస్తుంది. దీనివల్ల నాకు అటు ట్రెండీగా ఉండే ఫ్యాషన్‌ వస్త్రాలతో పాటు.. ఇటు సంప్రదాయ దుస్తులూ నచ్చుతాయి’’

10/21

‘‘పరికిణీ అంటే నాకెంత ఇష్టమో మాటల్లో చెప్పలేను. ‘100% లవ్‌ ’ చిత్రంలో నాకెంతో ఇష్టమైన లంగావోణిలోనే ఎక్కువ సన్నివేశాల్లో కనిపిస్తాను’’

11/21

‘‘ఇండస్ట్రీలో ఉన్న అందరితోనూ నేను బాగా మాట్లాడతాను. ముఖ్యంగా పరిశ్రమకు చెందిన వారిలో కాజల్‌ నా బెస్ట్‌ ఫ్రెండ్‌. మేమిద్దరం ఎప్పుడు ఎక్కడ కలిసినా సరే మా మధ్య మాటలు అలా సాగిపోతుంటాయి’’

12/21

‘‘శ్రుతిహాసన్‌, సమంత.. కూడా నాకు స్నేహితులు. కథానాయకుల విషయానికి వస్తే ప్రభాస్‌ నాకు మంచి మిత్రుడు. ఇక ముంబైలోని మా అపార్ట్‌మెంట్‌లో ఉండే వారందరూ నాకు దోస్తులే’’

13/21

‘‘నన్ను ఇష్టపడే ఎంతో మంది అభిమానులు నన్ను ‘మిల్కీ బ్యూటీ’ అని పిలుస్తుంటారు. కానీ నిజం చెప్పాలంటే.. ‘మిల్కీ బ్యూటీ’ అంటే నాకు కొంచెం ఇబ్బందిగా ఉంటుంది’’

14/21

‘‘శరీరఛాయను ఆధారంగా చేసుకుని ఓ మనిషిని ముద్దుపేర్లతో పిలవడం నాకు ఇష్టం ఉండదు.’’

15/21

‘‘షూటింగ్స్‌ ఏమీ లేనప్పుడు.. ఖాళీ సమయం దొరికితే నాకు బద్ధకం వచ్చేస్తుంది. ఇంట్లో నుంచి బయటకు కూడా వెళ్ల బుద్ధి కాదు. ముంబయిలో ఉన్న నా స్నేహితులు.. ‘నువ్వు ఎందుకే బయటకు రావు’ అని తెగ బాధపడిపోతుంటారు’’

16/21

‘‘ఇంట్లో ఉంటే టీవీ కూడా చూడాలనిపించదు. మార్నింగ్‌ ఫిట్‌నెస్‌కు సంబంధించిన వర్కౌట్లు చేస్తా. మొదట్లో అప్పుడప్పుడూ సోషల్‌మీడియా అకౌంట్లు తిరగేసే దాన్ని. కానీ లాక్‌డౌన్‌ సమయంలో ఇన్‌స్టా, ట్విటర్‌.. ఎక్కువగా ఫాలో అవుతున్నా.’’

17/21

‘‘చిన్నప్పటి నుంచి నాకు డ్యాన్స్ అంటే ఆసక్తి ఉంది. మ్యూజిక్‌ వినపడితే చాలు.. వెంటనే స్టెప్పులేసేయాలనిపించేది. పాటలు కూడా పాడేస్తుంటాను. కానీ, డ్యాన్స్‌ కోసం ప్రత్యేకంగా శిక్షణ తీసుకోలేదు’’

18/21

‘‘చిన్న వయసులోనే సినిమాల్లోకి వచ్చేయడం వల్ల.. సెట్స్‌లోనే డ్యాన్స్‌ ప్రాక్టీస్‌ చేసేదాన్ని. సెట్‌లో చేసిన ప్రాక్టీస్‌తోనే డ్యాన్స్‌ నేర్చుకున్నా’’

19/21

‘‘‘జై లవకుశ’లోని ‘స్వింగ్‌ జరా’, ‘సరిలేరు నీకెవ్వరు’లోనా పార్టీ సాంగ్‌ ప్రేక్షకులకు ఎంతో బాగా నచ్చాయి.’’

20/21

‘‘షూటింగ్స్‌లో భాగంగా వేరే దేశాలకు వెళ్లి వస్తుంటాను. షెడ్యూల్‌లో భాగంగా అక్కడ ఉన్నన్ని రోజులు లొకేషన్స్‌లో మాత్రమే ఉంటాం’’

21/21

‘‘ఏ దేశానికైతే వెళ్తానో.. అక్కడ పేరుపొందిన ప్రాంతాలను చూడాలని ప్రతిసారీ అనుకుంటాను. ఎప్పుడూ కుదరలేదు. కానీ నాకు అమెరికా అంటే ఎంతో ఇష్టం. హాలీడే కోసం అక్కడి వెళ్తుంటాను.’’


ఫొటోలు

తాజా మరిన్ని

సినిమా మరిన్ని

స్పోర్ట్స్ మరిన్ని

లైఫ్ స్టైల్ మరిన్ని

భ‌క్తి మరిన్ని

కొత్తగా మరిన్ని

జిల్లా వార్తలు

దేవ‌తార్చ‌న

మరిన్ని
రుచులు