News In Pics: చిత్రం చెప్పే సంగతులు -02(22-01-2023)

1/31

హైదరాబాద్‌లోని గాజులరామారంలో చిత్తారమ్మతల్లి జాతర నిర్వహిస్తున్నారు. ఈ సందర్భంగా ఆదివారం రాత్రి భక్తుల రద్దీతో ఆలయ పరిసరాలు ఇలా కనిపించాయి.

2/31

3/31

హైదరాబాద్‌ బ్లాక్‌హాక్స్‌ వాలీబాల్‌ జట్టు సహయజమానిగా, అంబాసిడర్‌గా విజయ్‌ దేవరకొండ బాధ్యతలు స్వీకరించారు. ఈ సందర్భంగా ఆయన క్రీడాకారులు, ఫ్యాన్స్‌తో ముచ్చటించారు.

4/31

మాదాపూర్‌లోని హామ్స్‌టెక్‌ కళాశాలలో ఫ్యాషన్‌ షో నిర్వహించారు. ఈ సందర్భంగా విద్యార్థినులు నూతన డిజైనర్‌ దుస్తులతో ర్యాంప్‌వాక్‌ చేసి ఆకట్టుకున్నారు.

5/31

6/31

తెదేపా జాతీయ ప్రధాన కార్యదర్శి నారా లోకేశ్‌ ఈ నెల 27 నుంచి ‘యువగళం’ పేరుతో పాదయాత్ర చేపట్టనున్నారు. ఈ కార్యక్రమానికి మద్దతు తెలుపుతూ తెలుగు యువత ఆధ్వర్యంలో తిరుపతిలోని మంగళం మార్గంలో ‘యువగళం’ ఆకారంలో దీపాలు వెలిగించారు.

7/31

బేగంపేటలోని హైదరాబాద్ పబ్లిక్ స్కూల్‌ ఏర్పాటు చేసి వందేళ్లు పూర్తయిన సందర్భంగా వేడుకలు నిర్వహిస్తున్నారు. ఇందులో భాగంగా ఏర్పాటు చేసిన సింఫనీ ఆర్కెస్ట్రా సంగీత కార్యక్రమం ప్రేక్షకులను ఆకట్టుకుంది.

8/31

బాలకృష్ణ హీరోగా గోపీచంద్‌ మలినేని దర్శకత్వంలో తెరకెక్కిన చిత్రం ‘వీరసింహారెడ్డి’. సంక్రాంతి కానుకగా విడుదలైంది. ఈ సందర్భంగా ఆదివారం సాయంత్రం హైదరాబాద్‌లోని జేఆర్సీ కన్వెన్షన్‌లో ‘వీరసింహుని విజయోత్సవం’ వేడుకను నిర్వహించారు. కార్యక్రమానికి సినీనటి హనీరోజ్‌ విచ్చేసి ప్రత్యేక ఆకర్షణగా నిలిచారు.

9/31

ఆదిలాబాద్‌ జిల్లా ఇంద్రవెల్లి మండలం కేస్లాపూర్‌లో నాగోబా జాతర ఘనంగా సాగుతోంది. ఈ సందర్భంగా కేంద్ర మంత్రి అర్జున్‌ ముండా, భాజపా తెలంగాణ రాష్ట్ర అధ్యక్షుడు బండి సంజయ్‌, ఆదిలాబాద్‌ ఎంపీ సోయం బాపూరావు తదితరులు నాగోబా ఆలయాన్ని దర్శించుకొని ప్రత్యేక పూజలు చేశారు.

10/31

పూజల్లో పాల్గొన్న బండి సంజయ్‌

11/31

హైదరాబాద్‌ పీపుల్స్‌ ప్లాజాలో భరతమాత ఫౌండేషన్‌ ఆధ్వర్యంలో భరతమాత మహాహారతి నిర్వహించారు. ఈ సందర్భంగా ప్రజలు, విద్యార్థులు జాతీయ జెండాలతో ప్రదర్శన చేశారు.

12/31

భరతమాత వేషధారణలో చిన్నారి

13/31

హైదరాబాద్‌ సైకిల్‌ రైడ్‌ క్లబ్‌ సభ్యులు ఆదివారం ఉదయం చార్మినార్‌ నుంచి ‘హిస్టారికల్‌ రైడ్‌’ పేరుతో సైకిల్ రైడ్‌ ప్రారంభించారు. వరంగల్‌ వరకు ఈ రైడ్‌ ఉంటుందని.. ఆరోగ్యం, చరిత్రపై ప్రజలకు అవగాహన కల్పించేందుకు ఈ కార్యక్రమం చేపట్టినట్లు వారు తెలిపారు.

14/31

హైదరాబాద్‌లోని మణికొండలో నూతనంగా ఏర్పాటుచేసిన ఓ హోటల్‌ను సినీనటుడు నితిన్‌ ప్రారంభించారు.

15/31

ప్రపంచ విప్లవ యోధుడు కామ్రేడ్‌ చేగువేరా కుమార్తె అలైదా గువేరా హైదరాబాద్ పర్యటనకు వచ్చారు. పర్యటనలో భాగంగా హిమాయత్ నగర్‌లోని సీపీఐ రాష్ట్ర పార్టీ కార్యాలయం మఖ్దూం భవన్‌ను సందర్శించారు.

16/31

ఎల్బీనగర్‌ మెట్రోస్టేషన్‌ సమీపంలో నూతనంగా ఏర్పాటు చేసిన ఓ గేటెడ్‌ కమ్యూనిటీ ప్రారంభోత్సవంలో సినీ నటీమణులు అనుపమ పరమేశ్వరన్‌, శ్రీలీల పాల్గొని సందడి చేశారు.

17/31

శ్రీలీల

18/31

హైదరాబాద్‌లోని రామోజీ ఫిలింసిటీలో ‘క్యూటికాన్ 2022’ సదస్సును మార్గదర్శి ఎండీ శైలజాకిరణ్ ప్రారంభించారు. రేపటి వరకు కొనసాగనున్న ఈ సదస్సులో తెలుగు రాష్ట్రాలకు చెందిన చర్మవైద్య నిపుణులు పాల్గొంటున్నారు.

19/31

సందీప్‌కిషన్‌ హీరోగా రంజిత్‌ జయకోడి దర్శకత్వంలో తెరకెక్కిన సినిమా ‘మైఖేల్‌’. సోమవారం ఉదయం 9.30గంటలకు ఈ సినిమా ట్రైలర్‌ లాంచ్‌ ఈవెంట్‌ను కూకట్‌పల్లిలోని భ్రమరాంబ థియేటర్‌లో నిర్వహించనున్నట్లు చిత్రబృందం ప్రకటించింది. ఫిబ్రవరి 3న ‘మైఖేల్‌’ ప్రేక్షకుల ముందుకు రానుంది.

20/31

హైదరాబాద్‌ గాజులరామారంలోని చిత్తారమ్మతల్లి జాతరకు భక్తులు పెద్దఎత్తున తరలివచ్చారు. పలువురు మహిళలు అమ్మవారికి బోనం సమర్పించి మొక్కులు చెల్లించుకున్నారు.

21/31

చిత్తారమ్మ ఆలయం వద్ద భక్తుల సందడి

22/31

ములుగు జిల్లాలోని రామప్ప ఆలయాన్ని మంత్రి సత్యవతి రాథోడ్‌, ఎమ్మెల్సీ కవిత దర్శించుకొని ప్రత్యేక పూజలు చేశారు.

23/31

లూనార్‌ న్యూ ఇయర్‌-2023 వేడుకల్లో భాగంగా ఉత్తరకొరియా ప్రజలు ఆ దేశ దివంగత నాయకుల విగ్రహాలకు నివాళి అర్పించారు. ప్యాంగ్‌యాంగ్‌ మున్సుహిల్‌లో ఒకే దగ్గర ఉన్న కిమ్‌ ఇల్‌ సంగ్‌2, కిమ్‌ జోంగ్‌ ఇల్‌2 విగ్రహాలను వారు దర్శించుకున్నారు.

24/31

ఈజిప్టు ఉటాలోని పార్క్ సిటీలో ‘సన్‌డ్యాన్స్‌ ఫిల్మ్‌ ఫెస్టివల్‌-2023’ నిర్వహించనున్నారు. ఈ నేపథ్యంలో ఈజిప్షియన్‌ థియేటర్‌ డివినిటీలో ఏర్పాటు చేసిన ప్రీమియర్‌ షోకు నటి బెల్లా థోర్న్ హాజరై ఫొటోలకు పోజులిచ్చారు.

25/31

నార్సింగిలో తెలుగు సంగమం సంక్రాతి సమ్మేళనం-2023 కార్యక్రమం నిర్వహించారు. ఈ సందర్భంగా మాజీ ఉప రాష్ట్రపతి వెంకయ్య నాయుడు, హరియాణా గవర్నర్ బండారు దత్తాత్రేయ, దర్శకుడు రాఘవేంద్రరావు, పద్మశ్రీ శోభరాజ్ పాల్గొని జ్యోతి ప్రజ్వలన చేశారు.

26/31

ఆంధ్రప్రదేశ్‌లో పోలీస్‌ కానిస్టేబుల్ ప్రిలిమినరీ రాత పరీక్ష ఆదివారం నిర్వహిస్తున్నారు. ఈ సందర్భంగా అభ్యర్థులు సకాలంలో పరీక్షా కేంద్రాలకు చేరుకొని ఇలా క్యూ లైన్‌లో నిలుచున్నారు.

27/31

సెల్‌ఫోన్‌ కౌంటర్‌ వద్ద అభ్యర్థులు

28/31

ఇండోనేసియా బాలిలోని ఎన్‌గురాహ్‌ రాయ్‌ అంతర్జాతీయ విమానాశ్రయంలో చైనా మహిళలు తమ దేశ సంప్రదాయ దుస్తులు ధరించి ఇలా పర్యాటకులకు స్వాగతం పలకడం ఆకట్టుకుంది.

29/31

బాలకృష్ణ హీరోగా గోపీచంద్‌ మలినేని దర్శకత్వంలో తెరకెక్కిన చిత్రం ‘వీరసింహారెడ్డి’. సంక్రాంతి కానుకగా విడుదలైన ఈ సినిమా మంచి విజయాన్ని అందుకుంది. ఈ సందర్భంగా హైదరాబాద్‌లోని జేఆర్‌సీ కన్వెన్షన్‌లో ఈరోజు సాయంత్రం 5 గంటలకు ‘వీరసింహుని విజయోత్సవం’ వేడుకను నిర్వహించనున్నట్లు చిత్రబృందం ట్వీట్‌ చేసింది.

30/31

ఆదిలాబాద్‌ జిల్లా ఇంద్రవెల్లి మండలం కేస్లాపూర్‌లో ఆదివాసీల నాగోబా జాతర ఘనంగా ప్రారంభమైంది. ఈ సందర్భంగా ఆదివాసీలు గంగాజలాన్ని తీసుకువచ్చి ఆలయంలో ప్రత్యేక పూజలు నిర్వహించారు. మెస్రం వంశీయుల కొత్త కోడళ్లు నైవేద్యం కోసం కోనూరు నుంచి నీరు తీసుకురావడం విశేషం.

31/31