News in Pics: చిత్రం చెప్పే సంగతులు-2(15-03-2023)

1/23

నెల్లూరులోని నారాయణ మెడికల్‌ కళాశాలలో స్నాతకోత్సవం ఘనంగా నిర్వహించారు. ఈ సందర్భంగా పట్టాలందుకున్న విద్యార్థులు తమ కుటుంబ సభ్యులు, మిత్రులతో ఫొటోలు తీసుకుంటూ ఆనందాన్ని పంచుకున్నారు.

2/23

తుర్కియేలోని సన్లిఉర్ఫాలో భారీవర్షాలతో వరదలు ముంచెత్తాయి. ఈ వరదల కారణంగా సుమారు 10మంది మృతి చెందినట్లు, వేల మంది నిరాశ్రయులుగా మారినట్లు అక్కడి అధికారులు తెలిపారు. మరోవైపు వరద బాధితులను కాపాడేందుకు సహాయక దళాలు రంగంలోకి దిగాయి.

3/23

విజయ్‌ ఆంటోని స్వీయ దర్శకత్వంలో తెరకెక్కుతున్న చిత్రం ‘బిచ్చగాడు 2’. ఇటీవల విడుదలైన ‘స్నీక్‌ పీక్‌ ట్రైలర్‌’ ఆకట్టుకుంది. ఈ నేపథ్యంలో చిత్రబృందం ట్విటర్‌ వేదికగా ఆసక్తికర పోస్టు పెట్టింది. ‘విజయ్ ఆంటోనీ కనిపెట్టిన ఆ బికిలి ఎవరు.? 👺 గురువారం ఆయనే చూపిస్తారు’ అని తెలిపింది.

4/23

అల్లూరి సీతారామరాజు జిల్లా అనంతగిరి మండలం కాశీ పట్నం సంతకు చింతపండును పెద్దఎత్తున తీసుకువచ్చారు. సుమారు 20గ్రామాలకు చెందిన గిరిజనులు చింతపండు ఇక్కడికి తెచ్చి అమ్ముతుంటారు. మార్చి, ఏప్రిల్‌ నెలల్లో ప్రతి బుధవారం ఇక్కడ అమ్మకాలు సాగుతుంటాయి.

5/23

నిజామాబాద్‌లో యువజన కాంగ్రెస్‌ ఆధ్వర్యంలో ‘శ్రీ అర్గుల్‌ రాజారాం మెమోరియల్‌’ ‘హాథ్‌ సే హాథ్‌ జోడో’ ఫుట్‌బాల్‌ టోర్నమెంట్‌ నిర్వహించారు. ఈ టోర్నమెంట్‌కు హాజరైన టీపీసీసీ చీఫ్‌ రేవంత్‌రెడ్డి సరదాగా కాసేపు ఆట ఆడి సందడి చేశారు.

6/23

హైదరాబాద్‌లోని కేబీఆర్‌ పార్కు వద్ద ఓ మయూరం ఆహారం తింటూ, రోడ్డు పక్కన చక్కర్లు కొడుతూ కనిపించింది.

7/23

నాగచైతన్య, కృతిశెట్టి జంటగా వెంకట్‌ ప్రభు దర్శకత్వంలో తెరకెక్కుతున్న చిత్రం కస్టడీ. ఈ సినిమా మే 12న ప్రేక్షకుల ముందుకు రానుంది. ఈ నెల 16న టీజర్‌ను విడుదల చేయనున్నట్లు చిత్రబృందం తెలిపింది.

8/23

సినీ నటీమణులు నభా నటేశ్‌, నిధి అగర్వాల్‌ నలుపు రంగు దుస్తుల్లో దిగిన ఫొటోలను సామాజిక మాధ్యమాల్లో పంచుకున్నారు. ఈ ఫొటోలకు అభిమానులు ముగ్ధులవుతున్నారు. వీరిద్దరు రామ్‌తో కలిసి ‘ఇస్మార్ట్‌ శంకర్‌’ సినిమాలో నటించిన విషయం తెలిసిందే.

9/23

పంజా వైష్ణవ్‌తేజ్‌ హీరోగా శ్రీకాంత్‌ ఎన్‌ రెడ్డి దర్శకత్వంలో తెరకెక్కుతున్న సినిమా ‘పీవీటీ 04’(వర్కింగ్‌ టైటిల్‌). ఈసినిమాలో ప్రముఖ మలయాళ నటుడు జోజు జార్జ్‌.. ‘చెంగారెడ్డి’ అనే పాత్రలో కనిపించనున్నట్లు తెలుపుతూ చిత్రబృందం ఈ ఫొటోను పంచుకుంది.

10/23

లారెన్స్‌, కంగనా రనౌత్‌ ప్రధాన పాత్రల్లో పి.వాసు దర్శకత్వంలో తెరకెక్కుతున్న చిత్రం ‘చంద్రముఖి 2’. ఈ సినిమా షూటింగ్‌లో కంగన, లారెన్స్‌ ఇలా మెరిశారు.

11/23

లాస్‌ ఏంజెలెస్‌లోని రీజెన్సీ విలేజ్‌ థియేటర్‌లో ‘షజామ్‌.. ఫ్యూరీ ఆఫ్‌ ది గాడ్స్’ సినిమా ప్రీమియర్‌ ఈవెంట్‌ను నిర్వహించారు. కార్యక్రమంలో ఆ సినిమా నటి రాచెల్‌ జగ్లర్‌ పాల్గొని ఫొటోలకు పోజులిస్తూ సందడి చేశారు.

12/23

భారత్‌, ఆస్ట్రేలియా జట్ల మధ్య ఈ నెల 17న తొలి వన్డే జరగనుంది. ఈ నేపథ్యంలో భారత క్రికెటర్లు ముంబయిలోని మైదానంలో సాధన చేస్తూ కనిపించారు.

13/23

14/23

ఉపాసన ట్విటర్‌ వేదికగా ఆసక్తికర పోస్టు పెట్టారు. తనకు లభించిన అన్నింటికీ ఆమె కృతజ్ఞతలు తెలిపారు. స్వచ్ఛమైన హృదయంతో ఆశయ సాధనకు కృషి చేస్తే విజయం తప్పక వరిస్తుందని ఆమె చెప్పారు. రామ్‌చరణ్‌తో కలిసి దిగిన ఫొటోను ఉపాసన పంచుకున్నారు.

15/23

గుంటూరు జిల్లా తెనాలిలో నిర్వహించిన ఎన్టీఆర్‌ శత జయంత్యుత్సవాలకు సినీనటుడు బాలకృష్ణ హాజరయ్యారు. ఈ సందర్భంగా అలనాటి నటి సావిత్రి కుమార్తె విజయ చాముండేశ్వరి, నాగిరెడ్డి కుమారుడు విశ్వనాథరెడ్డికి ‘ఎన్టీఆర్‌’ పేరిట అవార్డులను అందజేశారు.

16/23

17/23

విశ్వక్‌సేన్‌ కథానాయకుడిగా స్వీయ దర్శకత్వంలో తెరకెక్కిన చిత్రం ‘దాస్‌ కా దమ్కీ’. నివేదా పేతురాజ్‌ కథానాయిక. మార్చి 22న ప్రేక్షకుల ముందుకు రానుంది. ఈ సినిమా ప్రీరిలీజ్ ఈవెంట్‌ను ఈ నెల 17న హైదరాబాద్‌లోని శిల్పకళావేదికలో నిర్వహించనున్నట్లు చిత్రబృందం తెలిపింది. కార్యక్రమానికి ప్రముఖ సినీనటుడు ఎన్టీఆర్‌ హాజరవుతున్నట్లు ప్రకటించింది.

18/23

రవితేజ హీరోగా వంశీ దర్శకత్వంలో తెరకెక్కుతున్న సినిమా ‘టైగర్‌ నాగేశ్వరరావు’. ఈ సినిమాలో జిష్షూసేన్ గుప్తా ఓ కీలక పాత్ర పోషిస్తున్నారు. ఆయన జన్మదినం సందర్భంగా చిత్రబృందం శుభాకాంక్షలు తెలుపుతూ ఈ ఫొటోను ట్విటర్‌లో పంచుకుంది.

19/23

సమంత, దేవ్‌ మోహన్‌ ప్రధాన పాత్రల్లో గుణశేఖర్‌ దర్శకత్వంలో తెరకెక్కిన సినిమా ‘శాకుంతలం’. ఏప్రిల్‌ 14న ప్రేక్షకుల ముందుకు రానుంది. ఈ నేపథ్యంలో చిత్రబృందం జూబ్లీహిల్స్‌ పెద్దమ్మ ఆలయాన్ని సందర్శించి అమ్మవారికి ప్రత్యేక పూజలు చేసింది. సమంత, దేవ్‌మోహన్‌, గుణశేఖర్‌ తదితరులు పూజల్లో పాల్గొన్నారు.

20/23

21/23

తెలుగు రాష్ట్రాల్లో ఇంటర్మీడియట్‌ వార్షిక పరీక్షలు ప్రారంభమయ్యాయి. ఏప్రిల్‌ నాలుగో తేదీ వరకు ఈ పరీక్షలు జరగనున్నాయి. పరీక్షల ప్రారంభం సందర్భంగా నెల్లూరులోని ఓ పరీక్ష కేంద్రం వద్ద విద్యార్థులతో ఇలా సందడి వాతావరణం నెలకొంది.

22/23

హనుమకొండలో దివ్యాంగుడైన విద్యార్థిని పరీక్ష కేంద్రానికి తీసుకువస్తున్న సహాయకుడు

23/23

హైదరాబాద్‌ కూకట్‌పల్లిలోని ఓ నగల దుకాణాన్ని ప్రముఖ టీవీ వ్యాఖ్యాత సుమ కనకాల ప్రారంభించారు. ఈ సందర్భంగా ఆమె నూతన డిజైన్ల ఆభరణాలు ధరించి ఫొటోలకు పోజులిస్తూ సందడి చేశారు.