News In Pics: చిత్రం చెప్పే సంగతులు-2(27-03-2023)

1/30

సినీనటి రష్మిక మంధాన తన తాజా ఫొటోను ట్విటర్‌ ఖాతాలో పంచుకున్నారు. ‘నేను వేసుకున్న కొత్త డ్రెస్‌’ అని ఆమె ట్వీట్ చేశారు. ఈ ఫొటోకు ఫ్యాన్స్‌ ఫిదా అవుతున్నారు.

2/30

విశాఖపట్నంలో జీ20 సదస్సు నిర్వహించనున్న సందర్భంగా నగరాన్ని అందంగా ముస్తాబు చేస్తున్నారు. దీనిలో భాగంగా కురుపాం కూడలి, ఆర్కే బీచ్‌ రహదారిని ఇలా విద్యుత్తు కాంతులతో సుందరంగా ఏర్పాటు చేశారు.

3/30

ఏపీ ముఖ్యమంత్రి వైఎస్‌ జగన్మోహన్‌రెడ్డి గవర్నర్‌ అబ్దుల్‌ నజీర్‌ను రాజ్‌భవన్‌లో మర్యాదపూర్వకంగా కలిశారు. ఈ సందర్భంగా గవర్నర్‌ను శాలువాతో సత్కరించి.. రాష్ట్రానికి సంబంధించిన వివిధ అంశాలపై చర్చించారు.

4/30

ఈ చిత్రం చూస్తే.. భయంకరమైన భారీ చేప మింగేలా నోరు తెరుచుకొని ఉన్నట్లుంది కదూ.. కూకట్‌పల్లి మెట్రో పార్కింగ్‌ వద్ద పిల్లల కోసం ఓ ఎగ్జిబిషన్‌ ప్రధాన ద్వారాన్ని ఇలా ఏర్పాటు చేస్తున్నారు.

5/30

విశాఖపట్నంలో మంగళవారం నుంచి జరగనున్న జీ20 సదస్సుకు రాడిసన్‌ బ్లూ హోటల్‌ వేదికైంది. దీంతో ఆ హోటల్‌ పరిసర ప్రాంతాలను అందంగా అలంకరించారు. వివిధ దేశాల జెండాలతో అక్కడ ముస్తాబు చేశారు. పూల బుట్టలు, వికసించిన కమలం, సీతకొండపై రంగుల బొమ్మలు విశేషంగా ఆకట్టుకుంటున్నాయి.

6/30

ఈజిప్టులో 2వేలకుపైగా గొర్రెల పుర్రెలు బయటపడ్డాయి. అక్కడి రామ్‌సెస్‌ 2 దేవాలయం వద్ద తవ్వకాలు చేపట్టగా ఇవి వెలుగులోకి వచ్చాయి. ఈ జంతువులను ఇక్కడ సుమారు వెయ్యేళ్ల క్రితం బలిచ్చినట్లు పురాతత్వ శాస్త్రవేత్తలు భావిస్తున్నారు.

7/30

కిరణ్‌ అబ్బవరం(Kiran Abbavaram), అతుల్య రవి జంటగా రమేష్‌ కాదూరి దర్శకత్వంలో తెరకెక్కిన సినిమా ‘మీటర్‌’(Meter). ఏప్రిల్‌ 7న ఈ చిత్రాన్ని ప్రేక్షకుల ముందుకు తీసుకొస్తున్నారు. సినిమా ప్రమోషన్స్‌లో భాగంగా కిరణ్‌ అబ్బవరం, అతుల్య రవి వరంగల్‌లోని నిట్‌ కళాశాలను సందర్శించారు. సినిమాకు సంబంధించిన విశేషాలను విద్యార్థులతో పంచుకున్నారు.

8/30

విద్యార్థులతో సినిమా విశేషాలను పంచుకుంటున్న నటీనటులు

9/30

రామ్‌ పోతినేని హీరోగా దర్శకుడు బోయపాటి శ్రీను ఓ చిత్రం తెరకెక్కిస్తున్న సంగతి తెలిసిందే. పాన్‌ ఇండియా స్థాయిలో తెరకెక్కుతున్న ఈ సినిమా విడుదల తేదీని చిత్రబృందం ప్రకటించింది. దసరా కానుకగా అక్టోబరు 20న విడుదల చేయనున్నట్లు తెలియజేస్తూ ఈ పోస్టర్‌ను పంచుకుంది.

10/30

పటాన్‌చెరు నియోజకవర్గంలో ఈ నెల 28న 208 మంది దివ్యాంగులకు మంత్రి హరీశ్‌రావు చేతుల మీదుగా ద్విచక్రవాహనాలను అందజేయనున్నారు. ఇందుకోసం ఎమ్మెల్యే మహిపాల్‌రెడ్డి ఆధ్వర్యంలో ద్విచక్రవాహనాలను సిద్ధం చేశారు.

11/30

నాని, కీర్తి సురేశ్‌ జంటగా శ్రీకాంత్‌ ఓదెల దర్శకత్వంలో తెరకెక్కిన సినిమా ‘దసరా’. ఈ నెల 30న ప్రేక్షకుల ముందుకు రానుంది. సినిమాలోని ఫోర్త్‌ సింగిల్‌ ‘ఓ అమ్మలాలో అమ్మలాలో’ పాటను మంగళవారం సాయంత్రం 4.05 గంటలకు విడుదల చేయనున్నట్లు చిత్రబృందం తెలిపింది.

12/30

మేఘాంశ్ శ్రీహరి, రియా సచ్‌దేవ ప్రధాన పాత్రల్లో భవానీ శంకర్‌ దర్శకత్వంలో తెరకెక్కనున్న సినిమా ‘మిస్టర్ బ్రహ్మ ఏంటీ డ్రామా’. ఈ సినిమా చిత్రీకరణను సోమవారం ముహూర్తపు షాట్‌తో ప్రారంభించారు. ఈ సందర్భంగా సినిమా నటీనటులు ఫొటోలకు పోజులిస్తూ సందడి చేశారు.

13/30

ప్రియదర్శి, కావ్యా కల్యాణ్‌రామ్‌ కీలక పాత్రల్లో వేణు దర్శకత్వంలో తెరకెక్కిన సినిమా ‘బలగం’. ఈ సినిమా మార్చి 3న విడుదలై ప్రేక్షకుల మనసులు గెలుచుకుంది. ఈ సందర్భంగా మంత్రి కేటీఆర్‌ వేణుని సత్కరించారు. తెలంగాణ యాస, భాష, సంస్కృతి, సంప్రదాయాలకు నిలువట్టద్దంలా ‘బలగం’ చిత్రాన్ని తీర్చిదిద్దారని కొనియాడారు.

14/30

విక్రమ్‌, జయం రవి, ఐశ్వర్య రాయ్‌, త్రిష, కార్తి ప్రధాన పాత్రల్లో మణిరత్నం దర్శకత్వంలో తెరకెక్కిన సినిమా ‘పొన్నియిన్‌ సెల్వన్‌ 2’. ఈ సినిమా ఆడియో, ట్రైలర్‌ను ఈ నెల 29న చెన్నైలోని నెహ్రూ ఇండోర్‌ స్టేడియంలో విడుదల చేయనున్నట్లు చిత్రబృందం తెలిపింది. ఈ కార్యక్రమానికి ప్రముఖ నటుడు కమల్‌హాసన్‌ ముఖ్య అతిథిగా హాజరవుతారని ప్రకటించింది.

15/30

రాష్ట్రపతి ద్రౌపదీ ముర్ము పశ్చిమ బెంగాల్‌లో పర్యటించారు. ఈ సందర్భంగా కోల్‌కతాలోని నేతాజీ భవన్‌ను సందర్శించి సుభాష్‌ చంద్రబోస్‌ చిత్రపటానికి నివాళి అర్పించారు. దేశ స్వాతంత్ర్యం కోసం పోరాడిన నేతాజీ మార్గాన్ని నేటి యువత స్ఫూర్తిగా తీసుకోవాలని ఆమె సూచించారు..

16/30

రాజన్న సిరిసిల్ల జిల్లాలోని పదిర గ్రామంలో దళితబంధు పథకం లబ్ధిదారులు రాజేశ్వరి, విజయ్ కుమార్, లింగయ్య కలిసి రైస్ మిల్లును ఏర్పాటు చేసుకున్నారు. మంత్రి కేటీఆర్‌ ఈ మిల్లు ప్రారంభోత్సవంలో పాల్గొని మరపట్టిన ధాన్యాన్ని పరిశీలించారు.

17/30

రామ్‌చరణ్‌ హీరోగా శంకర్‌ దర్శకత్వంలో తెరకెక్కుతున్న సినిమాకు ‘గేమ్‌ ఛేంజర్‌’ అనే టైటిల్‌ను ఖరారు చేశారు. రామ్‌చరణ్‌ బర్త్‌డే సందర్భంగా సినిమాలోని ఆయన ఫస్ట్‌లుక్‌ ఫొటోను విడుదల చేశారు. ఈ పోస్టర్‌ను చూసి చెర్రీ ఫ్యాన్స్‌ సంబరపడుతున్నారు.

18/30

రామ్‌చరణ్‌ హీరోగా బుచ్చిబాబు సానా దర్శకత్వంలో ఓ సినిమా తెరకెక్కుతోంది. నేడు రామ్‌చరణ్‌ పుట్టినరోజు సందర్భంగా సినిమాలో ఆయన లుక్‌కు సంబంధించిన ఫొటోను చిత్రబృందం విడుదల చేసి శుభాకాంక్షలు తెలిపింది.

19/30

తిరుమలలో ఒలెక్ట్రా ఎలక్ట్రిక్ బస్సులను తితిదే ఛైర్మన్‌ వైవీ సుబ్బారెడ్డి, ఈవో ఎ.వి. ధర్మారెడ్డి జెండా ఊపి ప్రారంభించారు.

20/30

నితిన్‌, నిత్యామీనన్‌ జంటగా విక్రమ్‌ కె. కుమార్‌ దర్శకత్వంలో తెరకెక్కిన సినిమా ‘ఇష్క్‌’. 2012లో విడుదలై ఘన విజయం సాధించింది. ఈ నెల 29 నితిన్‌ పుట్టినరోజు సందర్భంగా ఈ సినిమాను రీరిలీజ్ చేయనున్నారు. రీరిలీజ్‌ ట్రైలర్‌ను ఈరోజు సాయంత్రం 4గంటలకు విడుదల చేయనున్నట్లు చిత్రబృందం తెలిపింది.

21/30

సినీనటి నభా నటేశ్‌ తన తాజా ఫొటోలను ఇన్‌స్టా ఖాతాలో పంచుకున్నారు. ఈ ఫొటోలకు ఆమె ఫ్యాన్స్‌ ముగ్ధులవుతున్నారు..

22/30

ఇండియన్‌ ప్రీమియర్‌ లీగ్‌ ఈ నెల 31 నుంచి ప్రారంభం కానుంది. ఈ నేపథ్యంలో సూర్యకుమార్‌ యాదవ్‌ తన ముంబయి ఇండియన్స్‌ జెర్సీని ట్విటర్‌ వేదికగా పంచుకున్నారు.

23/30

ఏపీ సీఎం వైఎస్‌ జగన్మోహన్‌రెడ్డిని తితిదే ఛైర్మన్‌ వైవీ సుబ్బారెడ్డి, ఈవో ఎ.వి.ధర్మారెడ్డి.. ఒంటిమిట్ట సీతారామ కల్యాణానికి ఆహ్వానించారు. ఇందుకు సంబంధించిన ఆహ్వానపత్రికను వారు సీఎంకు అందజేసి వేడుకలకు రావాల్సిందిగా కోరారు.

24/30

అత్యాధునికమైన 16 ఏసీ స్లీపర్ ‘లహరి’ బస్సులను టీఎస్‌ఆర్టీసీ(TSRTC) కొనుగోలు చేసింది. అందులో 9 బస్సులను సోమవారం రవాణాశాఖ మంత్రి పువ్వాడ అజయ్ కుమార్(Puvvada Ajay Kumar), ఆర్టీసీ ఛైర్మన్ బాజిరెడ్డి గోవర్ధన్‌, ఎండీ సజ్జనార్(Sajjanar) ఎల్బీనగర్‌లో ప్రారంభించారు. కర్ణాటక, ఆంధ్రప్రదేశ్, తమిళనాడు రాష్ట్రాలకు ఈ బస్సులను నడపాలని ఆర్టీసీ నిర్ణయించింది.

25/30

అత్యాధునిక సదుపాయాలతో బస్సులో ఏర్పాటు చేసిన ఇంటీరియర్‌..

26/30

బిహార్‌ ఉప ముఖ్యమంత్రి తేజస్వి యాదవ్‌ దంపతులకు కుమార్తె జన్మించింది. ఈ సందర్భంగా తేజస్వి యాదవ్‌.. ‘దేవుడు నాకు కుమార్తె రూపంలో సంతోషాన్ని అందించాడు’ అంటూ ఈ ఫొటోను ట్విటర్‌ వేదికగా సోమవారం పంచుకున్నారు.

27/30

మెగా పవర్‌స్టార్‌ రామ్‌ చరణ్ పుట్టినరోజు సందర్భంగా మెగాస్టార్‌ చిరంజీవి శుభాకాంక్షలు తెలిపారు. చరణ్‌ను ముద్దాడుతున్న ఫొటోను ట్విటర్‌ వేదికగా పంచుకున్నారు. ‘ఐ యామ్‌ ప్రౌడ్ ఆఫ్ యూ నాన్న.. హ్యాపీ బర్త్‌డే’ అంటూ క్యాప్షన్‌ జత చేశారు.

28/30

తిరుపతిలోని శ్రీ కోదండరామస్వామివారి వార్షిక బ్రహ్మోత్సవాల్లో భాగంగా ఎనిమిదో రోజు(సోమవారం) స్వామివారి రథోత్సవం వైభవంగా నిర్వహించారు. భక్తులు పెద్ద ఎత్తున పాల్గొని స్వామి వారిని దర్శించుకున్నారు.

29/30

స్వామి వారి రథోత్సవానికి విచ్చేసిన భక్తులు..

30/30

మెగా పవర్‌స్టార్‌ రామ్‌ చరణ్ పుట్టినరోజు సందర్భంగా దర్శకుడు మెహర్‌ రమేశ్‌ శుభాకాంక్షలు తెలిపారు. రామ్‌చరణ్‌తో గతంలో, ఇటీవల దిగిన ఫొటోలను సోమవారం ట్విటర్‌ వేదికగా పంచుకున్నారు.