News in Pics: చిత్రం చెప్పే సంగతులు-02(05-02-2023)

1/26

సూర్యాపేట జిల్లా దురాజ్‌పల్లిలోని లింగమంతుల స్వామి (పెద్దగట్టు) జాతర ఘనంగా జరుగుతోంది. ఈ సందర్భంగా ఆలయ ప్రాంగణంలో ఏర్పాటు చేసిన విద్యుత్తు దీపాలు రాత్రివేళలో అద్భుతంగా కనిపిస్తున్నాయి. భక్తులు అధిక సంఖ్యలో పాల్గొని స్వామివారిని దర్శించుకుంటున్నారు.

2/26

3/26

చూసేందుకు అచ్చం సింహంలా ఉన్న ఇది ఓ జాగిలం. చౌచౌగా పిలిచే ఈ జాతి కుక్కలు చైనా దేశానికి చెందినవి. కాకినాడ నగరం మహాత్మానగర్‌కు చెందిన బాలా ప్రసాద్‌ తన కుమార్తె దీపికకు బహుమతిగా ఈ కుక్కను రూ. 2లక్షల 40 వేలు వెచ్చించి కొనుగోలు చేశాడు. చుట్టుపక్కల ప్రాంతాలవారు దీనిని ఆసక్తిగా చూస్తుంటారు.

4/26

5/26

కల్యాణ్‌ రామ్ (Kalyan Ram), ఆషిక జంటగా దర్శకుడు రాజేంద్రరెడ్డి తెరకెక్కించిన చిత్రం ‘అమిగోస్‌’ (Amigos). ఈ రోజు చిత్ర ప్రీ రిలీజ్‌ వేడుకను హైదరాబాద్‌లో నిర్వహించారు. ఈ సందర్భంగా ఆషిక ఫొటోలకు పోజులిచ్చి సందడి చేశారు.

6/26

దిల్లీలో కేంద్ర ఆర్థిక శాఖ మంత్రి నిర్మలా సీతారామన్‌ను గవర్నర్ తమిళిసై సౌందరరాజన్ మర్యాదపూర్వకంగా కలిశారు.

7/26

యువగళం పాదయాత్రలో భాగంగా నారా లోకేష్‌ చిత్తూరు జిల్లాలో పర్యటిస్తున్నారు. ఈ సందర్భంగా పర్యటనలో పాల్గొన్న మాజీ ఎంపీ కొనకళ్ల నారాయణ ప్యాంటుకు అంటుకున్న మట్టిని లోకేష్‌ తుడిచి నిరాడంబరతను చాటుకున్నారు.

8/26

ఈరోజు అపోలో హాస్పిటల్స్‌ వ్యవస్థాపకుడు డా. ప్రతాప్‌రెడ్డి 90వ పుట్టిన రోజు సందర్భంగా ఉపాసన తన తాత గురించి ట్విటర్‌లో ఓ ఎమోషనల్‌ పోస్ట్‌ చేశారు. ‘ఎంతో మంది జీవితాలను మీరు నిలబెట్టారు. మీ వారసులుగా మేం కృతజ్ఞతతో ఉంటాం’ అని రామ్‌చరణ్, ప్రతాప్‌రెడ్డి దంపతులతో కలిసి ఉన్న ఫొటోను ఆమె ట్వీట్‌ చేశారు.

9/26

సైకిల్‌పై దేశాన్ని చుట్టివస్తున్న ఆశా మాలవ్యను గవర్నర్ బిశ్వభూషణ్ హరిచందన్ అభినందించారు. మధ్యప్రదేశ్‌లోని రాజ్‌ఘర్ జిల్లా నతారామ్ గ్రామానికి చెందిన మాలవ్య వివిధ రాష్ట్రాలలో సైకిల్‌పై పర్యటన చేస్తూ.. ప్రస్తుతం ఆంధ్రప్రదేశ్‌లో కొనసాగుతోంది.

10/26

ఏలూరు సీఆర్‌రెడ్డి పబ్లిక్‌ స్కూల్‌ మైదానంలో బాలోత్సవం కార్యక్రమం నిర్వహించారు. ఈ సందర్భంగా చిన్నారుల నృత్యాలు ఆకట్టుకున్నాయి.

11/26

బాలోత్సవంలో డ్యాన్స్‌ చేస్తున్న విద్యార్థినులు

12/26

హుస్సేన్‌సాగర్ తీరంలోని పీపుల్స్‌ ప్లాజా వద్ద ఎలక్ట్రిక్‌ వాహనాల ర్యాలీ నిర్వహించారు. ఈ సందర్భంగా హీరో అడవి శేష్‌, పోలీసు అధికారి జయేష్‌ రంజన్‌ జెండా ఊపి ఈ ర్యాలీని ప్రారంభించారు. అనంతరం బైక్‌ విన్యాసాలు ఆకట్టుకున్నాయి.

13/26

బైక్‌ విన్యాసాలు

14/26

దివంగత దర్శకుడు, కళాతపస్వి కె. విశ్వనాథ్‌ కుటుంబ సభ్యులను తెదేపా అధినేత చంద్రబాబు నాయుడు పరామర్శించారు. అనంతరం విశ్వనాథ్‌ చిత్రపటానికి ఆయన పూలమాల వేసి నివాళి అర్పించారు.

15/26

హీరో అల్లు అర్జున్‌ తన కుమారుడు అయాన్‌ ఇచ్చిన ఓ అందమైన బహుమతి ఫొటోను సోషల్‌ మీడియాలో పంచుకున్నారు. ‘ నా సోల్‌.. అయాన్‌ బాబు నుంచి అందమైన బహుమతి’ అని బన్నీ పొంగిపోయారు.

16/26

మాఘ పౌర్ణమి సందర్భంగా ఉత్తర్‌ప్రదేశ్‌లోని ప్రయాగ్‌రాజ్‌లో పుణ్యస్నానానికి భక్తులు పోటెత్తారు. ఈ సందర్భంగా గంగా, యమునా నదుల సంగమం వద్ద ఉన్న పాంటూన్‌ వంతెనపై భక్తులు ఇలా కిక్కిరిసిపోయారు.

17/26

రెవెన్యూశాఖ ముఖ్య కార్యదర్శి, సీసీఎల్ఏగా బాధ్యతలు తీసుకున్న నవీన్‌ మిట్టల్‌ సీఎం కేసీఆర్‌ను మర్యాదపూర్వకంగా కలిశారు. ఈ సందర్భంగా కేసీఆర్‌కు ఆయన కృతజ్ఞతలు తెలిపారు.

18/26

దెందులూరు మండలం గాలయగూడెంలోని అచ్చమ్మ పేరంటాలు తల్లి దర్శనానికి భక్తులు పోటెత్తారు. ఈ సందర్భంగా నిర్వహించిన అగ్నిగుండం ప్రవేశం కార్యక్రమంలో భక్తులు భారీగా పాల్గొన్నారు.

19/26

అగ్నిగుండం ప్రవేశం కార్యక్రమంలో భక్తులు

20/26

భారాస బహిరంగ సభలో భాగంగా సీఎం కేసీఆర్ నాందేడ్‌లోని గురుద్వారాకు చేరుకున్నారు.

21/26

హీరోయిన్‌ అనుపమ పరమేశ్వరన్‌ తన తాజా ఫొటోను ట్విటలో పంచుకున్నారు. ఈ డ్రెస్సులో ఆమె ఓ రాణిలా ఉన్నట్లు ఫొటో ద్వారా తెలుస్తోంది.

22/26

సికింద్రాబాద్‌లోని ఆర్‌ఆర్‌సీ మైదానంలో ఏర్పాటు చేసిన హెడీఎఫ్‌సీ స్పోర్ట్స్‌ మీట్‌ను మంత్రి తలసాని శ్రీనివాస్‌ యాదవ్‌ లాంఛనంగా ప్రారంభించి మాట్లాడారు. ఈ సందర్భంగా నిర్వాహకులు ఆయనను సన్మానించారు.

23/26

తిరుమల నూతన పరకామణి భవనంలో హుండీ కానుకల లెక్కింపును ప్రారంభించారు. తితిదే భవనంలో ప్రత్యేక పూజలు, హోమాలు, గోప్రవేశం చేసిన అనంతరం రెండు వందల మంది ఈ హుండీ లెక్కింపులో పాల్గొన్నారు.

24/26

హైదరాబాద్‌లో గచ్చిబౌలి కేర్ ఆసుపత్రి ఆధ్వర్యంలో క్యాన్సర్‌పై అవగాహన కార్యక్రమం నిర్వహించారు. ఇందులో భాగంగా సైకిల్‌థాన్‌ ఏర్పాటు చేశారు. ఔత్సాహికులు భారీగా పాల్గొన్నారు.

25/26