News In Pics: చిత్రం చెప్పే సంగతులు 02 (13-05-2023)

1/30

తిరుపతి శ్రీ తాతయ్య గుంట గంగమ్మ జాతర ఉత్సవాలు ఘనంగా సాగుతున్నాయి. భక్తులు అమ్మవారికి బోనం, పట్టు వస్త్రాలు సమర్పించి ఊరేగింపులో పాల్గొన్నారు. కళాకారుల వేషధారణలు విశేషంగా ఆకట్టుకున్నాయి.

2/30

ఉక్రెయిన్‌ అధ్యక్షుడు జెలెన్‌స్కీ.. పోప్‌ ఫ్రాన్సిస్‌ను మర్యాదపూర్వకంగా కలిశారు. ఉక్రెయిన్‌పై రష్యా దండయాత్ర మొదలైన తర్వాత తొలిసారి వీరిద్దరు కలవడం ప్రాధాన్యత సంతరించుకుంది.

3/30

శనివారం సాయంత్రం ఖైరతాబాద్‌ నుంచి అమీర్‌పేట వరకు రెండు వైపులా ట్రాఫిక్‌ నిలిచిపోయి వాహనాలు ఇలా బారులుతీరాయి. సోమాజిగూడ ఆర్టీఏ కార్యాలయం సమీపంలో కనిపించిందీ దృశ్యం.

4/30

తెదేపా జాతీయ ప్రధాన కార్యదర్శి నారా లోకేశ్‌ చేపట్టిన ‘యువగళం’ పాదయాత్ర శనివారం నంద్యాల జిల్లా శ్రీశైలం నియోజకవర్గం కె.స్టార్ గొడౌన్‌ క్యాంపు సైట్‌ నుంచి ప్రారంభమైంది. ఈ సందర్భంగా ఆత్మకూరులో నిర్వహించిన బహిరంగసభకు ప్రజలు, కార్యకర్తలు పెద్దఎత్తున తరలివచ్చారు.

5/30

బాలీవుడ్‌ నటుడు సల్మాన్‌ ఖాన్‌.. పశ్చిమ బెంగాల్‌ సీఎం మమతా బెనర్జీని ఆమె నివాసంలో మర్యాదపూర్వకంగా కలిశారు. దీదీ ఆయనకు ఘన స్వాగతం పలికి వివిధ అంశాలపై చర్చించారు. సల్మాన్‌కు భవిష్యత్తులో మరిన్ని విజయాలు చేకూరాలని ఆమె ఆకాంక్షించారు.

6/30

ఐపీఎల్‌ 16 సీజన్‌లో భాగంగా దిల్లీ, పంజాబ్‌ జట్ల మధ్య దిల్లీలో మ్యాచ్‌ జరుగుతోంది. తొలుత టాస్‌ గెలిచిన దిల్లీ జట్టు బౌలింగ్ ఎంచుకుంది. ఈ సందర్భంగా మ్యాచ్‌కు ముందు ఇరుజట్ల కెప్టెన్‌లు వార్నర్‌, ధావన్‌ ఇలా ఆప్యాయంగా పలకరించుకున్నారు.

7/30

సుప్రీంకోర్టు మాజీ ప్రధాన న్యాయమూర్తి జస్టిస్‌ ఎన్వీ రమణ తిరుమల శ్రీవారిని దర్శించుకొని ప్రత్యేక పూజలు చేశారు. అనంతరం ఆలయ అధికారులు ఆయన్ను సత్కరించి తీర్థప్రసాదాలు అందజేశారు.

8/30

కొండగట్టులో హనుమాన్‌ జయంతి ఉత్సవాలు ఘనంగా సాగుతున్నాయి. ఈ సందర్భంగా శనివారం ఆలయంలో హోమం, సుందరకాండ పారాయణం, అభిషేకం నివేదన, తీర్థ ప్రసాద వితరణ చేశారు.

9/30

ఇజ్రాయెల్‌ క్షిపణి దాడులకు ప్రతీకారంగా.. పాలస్తీనా తమ దేశంలోని గాజా నగరం నుంచి ఇజ్రాయెల్‌ వైపు క్షిపణులను ప్రయోగించింది.

10/30

మాజీ రాష్ట్రపతి ఫక్రుద్దీన్‌ అలీ అహ్మద్‌ జయంతి సందర్భంగా రాష్ట్రపతి ద్రౌపదీ ముర్ము ఆయన చిత్రపటానికి నివాళి అర్పించారు. రాష్ట్రపతిగా ఆయన చేసిన సేవలను గుర్తు చేశారు.

11/30

వేసవికాలం ఎండలు మండిపోతున్నాయి. ఎండ వేడిని తట్టుకోలేక ఓ మహిళ ఇలా తలపై అట్ట పెట్టుకొని వెళ్తున్న దృశ్యం కూకట్‌పల్లి కేపీహెచ్‌బీ కాలనీలో కనిపించింది.

12/30

హైదరాబాద్‌ హైటెక్‌ సిటీలోని నోవాటెల్‌ హోటల్‌లో సూత్ర ఎగ్జిబిషన్‌ను ప్రారంభించారు. ఈ సందర్భంగా మోడల్స్‌ నూతన డిజైన్ల దుస్తులు, ఆభరణాలు ధరించి ఫొటోలకు పోజులిచ్చారు.

13/30

సినీనటుడు గోపీచంద్‌.. వివాహ వార్షికోత్సవం సందర్భంగా తన సతీమణి రేష్మతో కలిసి దిగిన ఫొటోను ట్విటర్‌ వేదికగా పంచుకున్నారు. తనతో ఇన్నేళ్లు గొప్పగా గడిచాయని, ఆమె వల్లే జీవితానికి పరిపూర్ణత వచ్చిందని చెబుతూ పోస్టు పెట్టారు.

14/30

రవీంద్ర జడేజా, రుతురాజ్‌ గైక్వాడ్‌, అజింక్య రహానే కలిసి దిగిన ఫొటోను ‘చెన్నై సూపర్‌ కింగ్స్‌’ తన ట్విటర్‌ ఖాతాలో పంచుకుంది. ‘ఆర్‌ఆర్‌ఆర్‌’ ఇక్కడ ఉన్నారు, మీరు ఈరోజు ఏ ‘ఆర్‌’ను ఎంచుకుంటారు అని పోస్టు పెట్టింది.

15/30

కర్ణాటక ఎన్నికల్లో కాంగ్రెస్‌ విజయం సాధించింది. ఈ సందర్భంగా ఏర్పాటు చేసిన విలేకర్ల సమావేశంలో కాంగ్రెస్‌ అగ్రనేత రాహుల్‌గాంధీ ఇలా వేలితో విక్టరీ సింబల్‌ను చూపారు. ఈ ఫొటో ప్రస్తుతం సామాజిక మాధ్యమాల్లో వైరల్‌గా మారింది. దీనికి మంచి క్యాప్షన్‌ పెట్టండంటూ పలువురు కోరుతున్నారు.

16/30

విజయనగరం జిల్లా కేంద్రంలోని మహారాజా కోటలో శనివారం యోగోత్సవం నిర్వహించారు. ఆయుష్ కేంద్ర మంత్రిత్వ శాఖ ఆధ్వర్యంలో జరిగిన ఈ ఉత్సవంలో యువకులు అధిక సంఖ్యలో పాల్గొని యోగాసనాలు వేశారు.

17/30

అస్సాం రాష్ట్రం కర్బీ ఆంగ్‌లాంగ్‌ జిల్లాలోని జోంగ్‌తాంగ్‌ గ్రామంలో తివా గిరిజనులు ఖేల్‌చవా వేడుకను ఘనంగా నిర్వహించారు. అభివృద్ధి కోసం, గ్రామాన్ని దుష్ట శక్తుల బారి నుంచి రక్షించేందుకు ఐదేళ్లకోసారి తివా గిరిజన తెగలో పురుషులు ఈ పండగ చేసుకుంటారు.

18/30

ఐపీఎల్ 16వ సీజన్‌లో భాగంగా ఉప్పల్‌ స్టేడియంలో హైదరాబాద్‌, లఖ్‌నవూ జట్ల మధ్య మ్యాచ్‌ జరుగుతోంది. ఈ సందర్భంగా మ్యాచ్‌కు ముందు క్రికెట్ దిగ్గజాలు ముత్తయ్య మురళీధరన్‌, గౌతమ్‌ గంభీర్‌లు ఇలా కలిసి నవ్వుతూ ఫొటోకు పోజిచ్చారు.

19/30

ఐపీఎల్ 16వ సీజన్‌లో భాగంగా ఉప్పల్‌ స్టేడియంలో హైదరాబాద్‌, లఖ్‌నవూ జట్ల మధ్య మ్యాచ్‌ జరుగుతోంది. ఈ సందర్భంగా స్టేడియంలో అభిమానుల సందడి నెలకొంది.

20/30

హైదరాబాద్‌లోని ఉప్పల్ స్టేడియంలో సన్‌రైజర్స్ హైదరాబాద్‌, లఖ్‌నవూ సూపర్‌ జెయింట్స్‌ మధ్య మ్యాచ్‌ జరగనుంది. ఈ నేపథ్యంలో అండర్‌-19 మహిళల టీ20 ప్రపంచ కప్‌లో ఆడిన భద్రాచలం క్రీడాకారిణి గొంగడి త్రిషకు క్రికెట్‌ దిగ్గజం లారా జ్ఞాపికను అందజేశారు.

21/30

పంజాబ్‌లోని జలందర్ లోక్‌సభ నియోజకవర్గంలో ఆప్‌ విజయం సాధించింది. ఈ సందర్భంగా ఆ రాష్ట్ర సీఎం భగవంత్‌మాన్‌ను దిల్లీ సీఎం కేజ్రీవాల్‌ ఆప్యాయంగా ఆలింగనం చేసుకొని శుభాకాంక్షలు తెలిపారు.

22/30

రాజధాని పరిధిలోని తుళ్లూరులో అమరావతి రైతుల దీక్షా శిబిరం వద్ద ఉద్రిక్తత చోటుచేసుకుంది. ఆర్‌-5 జోన్‌కు వ్యతిరేకంగా అంబేడ్కర్‌ స్మృతివనంకు పాదయాత్ర తలపెట్టిన రైతులను పోలీసులు అడ్డుకోవడంతో తోపులాట జరిగింది.

23/30

హైదరాబాద్‌లోని పంజాగుట్టలో నూతనంగా ఏర్పాటు చేసిన ఓ నగల దుకాణం ప్రారంభోత్సవంలో సినీనటి శ్రియా పాల్గొన్నారు. నూతన డిజైన్ల ఆభరణాలతో ఆమె ఫొటోలకు పోజులిచ్చారు. శ్రియాను చూసేందుకు అభిమానులు తరలివచ్చారు.

24/30

కర్ణాటక ఎన్నికల ఫలితాల్లో కాంగ్రెస్‌ ఆధిక్యం కనబరుస్తుండటంతో హైదరాబాద్‌లోని గాంధీ భవన్‌ వద్ద పార్టీ శ్రేణులు రంగులు చల్లుకొని సంబరాలు చేసుకున్నాయి.

25/30

కర్ణాటక ఎన్నికల ఫలితాల్లో కాంగ్రెస్‌ ఆధిక్యంలో కొనసాగుతుండటంతో టీపీసీసీ చీఫ్‌ రేవంత్‌రెడ్డి రెడ్‌హిల్స్‌ హనుమాన్ దేవాలయంలో ప్రత్యేక పూజలు చేశారు. ఈ సందర్భంగా ఆయనకు గదను బహూకరించారు.

26/30

తూర్పుగోదావరి జిల్లాలోని వాడపల్లి వేంకటేశ్వర ఆలయానికి శనివారం భక్తులు పెద్దఎత్తున తరలివచ్చారు. స్వామిని దర్శించుకొని మొక్కులు తీర్చుకున్నారు.

27/30

కర్ణాటక ఎన్నికల ఫలితాల నేపథ్యంలో కాంగ్రెస్‌ అగ్రనేత ప్రియాంక గాంధీ శిమ్లాలోని హనుమాన్‌ మందిరంలో ప్రత్యేక పూజలు చేశారు.

28/30

‘శుద్ధ తిరుమల.. సుందర తిరుమల’ కార్యక్రమంలో భాగంగా తిరుపతిలోని అలిపిరిలో స్వచ్ఛత కార్యక్రమాన్ని సుప్రీం కోర్టు మాజీ ప్రధాన న్యాయూర్తి జస్టిస్ ఎన్వీ రమణ ప్రారంభించారు.

29/30

నాగచైతన్య, కృతి శెట్టి జంటగా వెంకట్‌ప్రభు దర్శకత్వంలో తెరకెక్కిన సినిమా ‘కస్టడీ’. ఈ నెల 12న థియేటర్లలో విడుదలైంది. ఈ సినిమా మొదటి రోజు రూ.7.4కోట్ల గ్రాస్‌ వసూళ్లు సాధించినట్లు చిత్రబృందం తెలిపింది.

30/30

పంజా వైష్ణవ్‌తేజ్‌ హీరోగా శ్రీకాంత్‌రెడ్డి దర్శకత్వంలో ‘పీవీటీ04’(వర్కింగ్‌ టైటిల్‌) సినిమా తెరకెక్కుతోంది. ఈ సినిమాలో శ్రీలీల.. ‘చిత్ర’ అనే పాత్ర పోషిస్తున్నట్లు తెలుపుతూ చిత్రబృందం ఈ ఫొటోను ట్విటర్‌ వేదికగా పంచుకుంది.